Ribadeo acolle ata o 18 de xullo a exposición itinerante ‘ Nós tamén fomos emigrantes’

(02/07/2019)

Ribadeo acolle ata o 18 de xullo a exposición itinerante ‘ Nós tamén fomos emigrantes’

Redacción, Lugo | 28 Xuño 2019

Unha das escenas fotografadas que están reflectidas na exposición.

A Sala de Exposicións da Oficina de Turismo de Ribadeo acolle, desde este venres 28 e ata o 18 de xullo, a exposición itinerante ‘ Nós tamén fomos emigrantes’, na que colaboran Afundación Obra Social Abanca, o Concello de Ribadeo e Axénciaa Efe. Trátase dunha valiosa selección fotográfica de Axénciaa Efe sobre a realidade histórica da emigración, galega e española, a través dunha síntese de 40 imaxes sacadas coa mirada profesional e humana dos fotoperiodistas da época.

‘Nós tamén fomos emigrantes’ recolle unha antoloxía de imaxes dos arquivos da Axéncia Efe. Son retratos próximos que narran as circunstancias vitais daqueles que abandonaron a súa terra en procura dun futuro mellor.

“A esencia dun fotógrafo é estar no lugar onde se produce a noticia. Un dos grandes da fotografía xornalística, Robert Capa, que foi correspondente de guerra en moitas frontes e acabou morrendo ao pisar unha mina en Indochina, dicía que cando a foto non é boa é porque o fotógrafo non estaba o suficientemente preto. A exposición preséntanos, en branco e negro, unha síntese das nosas emigracións plasmada por fotoperiodistas de EFE. É a historia de miles de persoas que tiveron que abandonar a súa terra para sobrevivir. Son os anos cincuenta, sesenta, décadas de fame, de subdesarrollo, de falta de liberdade, pero tamén de construción, de aforrar a peseta para un soñado retorno”, segundo afirma Miguel Ángel Gozalo, director da Axencia EFE de 1996 a 2004.