GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Aprender cos refuxiados

(02/07/2019)

Aprender cos refuxiados

Tres profesionais coruñeses do ámbito social participan nun proxecto de formación de voluntariado nun centro de asilo temporal en Polonia

 

30.06.2019 | La Opinión

 

Os voluntarios coruñeses, xunto a nenos do campo de refuxiados de Otrebusy.

 

 

 

Polonia ten na actualidade once centros de asilo temporal ou campos de refuxiados, onde permanecen moitas familias á espera de que se estabilice a súa situación e poidan recibir acubillo de forma permanente. En Otrebusy, a quince quilómetros de distancia de Varsovia, atópase un destes centros, no que tres coruñeses están a facer un curso formativo sobre a xestión da acollida de refuxiados.

 

Neste campamento viven unhas 40 familias con fillos procedentes, na súa maioría de Ucraína e da rexión rusa de Chechenia que se atopan nunha situación complexa. Dentro do programa no que participan os coruñeses foméntanse actividades para os nenos, quen, segundo comenta Francisco Feixe, un dos voluntarios coruñeses, "están illados en certo xeito", ao estar nunha zona de bosque bastante afastada dos núcleos urbanos.

 

Profesionais de varios países forman parte do voluntariado no campo Otrebusy. Os coruñeses participan desde a súa asociación, Seven Sexas, dentro do proxecto Transferindo habilidades a través das fronteiras (Transferring Skills across Borders, na súa denominación orixinal en inglés) e Erasmus +, co que se forman en labores de voluntariado. "Non é formación teórica, facemos traballo de campo e podemos ver en realidade como se traballa", explica Feixe, profesor de Sociología.

 

As boas condicións do centro é un dos aspectos positivos que os voluntarios destacan: "Iamos coa idea de que algúns centros estarían masificados, pero non hai comparación cos que hai en España por exemplo". O fluxo de persoas no centro é constante; con todo, os refuxiados que os habitan pasan de media entre un e dous anos alí ata que se determina se obteñen ou non o permiso de residencia. "Hai casas unifamiliares, con cociña, baño e varias habitacións. Todo é novo e as instalacións están bastante ben, parece máis un colexio interno", resalta Feixe.

 

Para estes voluntarios de Seven Sexas, unha ONG fundada en 2017 que participa en proxectos internacionais, é moi importante formar parte desta clase de experiencias. "Como profesionais do ámbito social, este tipo de experiencias axúdanos a enriquecernos no noso traballo", destaca Francisco Feixe, cuxa materia de ensino na Universidade é Traballo Social. Ademais de formarse como voluntario, pretende concienciar aos seus alumnos sobre temas migratorios.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas