1994: Un curso para mirar cara á emigración cara a América

(24/06/2019)

1994: Un curso para mirar cara á emigración cara a América

O ministro de Asuntos Exteriores de Urugay e o embaixador de Brasil, entre os participantes

O curso de verán que se celebrará en Ourense a partir do día 4 de xullo, que leva por título «Nación e emigración», mirará cara a América e pretende estreitar os lazos investigadores e, ao mesmo tempo, difundir a imaxe da provincia. Coa Universidade colaboran o Concello de Ourense e a Secretaría de relacións coas Comunidades Galegas, o que facilitou que no curso se conte, entre outros, co ministro de Asuntos Exteriores de Uruguai e os embaixadores deste país e Brasil en Madrid.

Entre outros participantes presentarán relatorios no curso Mariano Cuesta , Antón Fidalgo Santamariña -sobre os afiadores-, Julio Hernández Borge, Xosé Manuel Beiras, Xaime Quintanilla, Carmen Norambuena -directora de estudos avanzados de Chile-, Xan Bouzada e Xosé Manuel Núñez Seixas, entre outros.

Os participantes no curso poderán gozar de visitas á Ribeira Sacra e aos museos de Ourense e haberá participación de empresarios.