Loiba homenaxeará a mariñeiros, a náufragos e a emigrantes da Mariña e Ortegal

(31/05/2019)

Loiba homenaxeará a mariñeiros, a náufragos e a emigrantes da Mariña e Ortegal

O acto terá lugar este domingo xunto ao coñecido Banco de Loiba

Este domingo, día 2 de xuño, en Loiba renderáselles unha homenaxe aos mariñeiros e aos náufragos de dúas comarcas irmás: A Mariña e Ortegal. Este emotivo acto celebrarase no coñecido Banco de Loiba, en Ortigueira.

A partir das 13.00 horas terá lugar unha misa e tamén unha ofrenda na que terán especial protagonismo as xentes do mar.

Tamén serán recordados nese acto todos aqueles emigrantes que un día saíron da súa terra en busca dun mellor porvir e que, por diferentes circunstancias, nunca regresaron, tal e como recordaban onte desde a Diocese de Mondoñedo-Ferrol.