(24/05/2019)
Unha exposición mostra a emigración do século XX con fotos da Axencia EFE
A Rexión Internacional
Axencia EFE 23/05/2019
Unha selección de corenta fotografas realizadas por fotoperiodistas da época e procedentes dos arquivos da Axencia EFE achegarán desde mañá ao público á realidade histórica da emigración española, incluída a galega, nunha exposición instalada no municipio coruñés de Zas.
O Centro Sociocultural de Baio acollerá a mostra, que se poderá ver ata o próximo 16 de xuño da man de Abanca, Afundación e o Concello de Zas, co título "Nós tamén fomos emigrantes. Fotografías da Axencia EFE sobre a emigración española no século XX", que recolle aquelas vivencias a través da mirada profesional e humana dos fotoperiodistas da época.
Á inauguración, programada para mañá ás 10:30 horas, está previsto que acuda o alcalde de Zas, Manuel Muíño, así como representantes de Abanca e Afundación, e incluirá unha visita guiada.
A exposición inscríbese no proxecto "Corrente cultural" da Obra Social de Abanca, que considera a arte como un instrumento imprescindible para fomentar o coñecemento e o desenvolvemento colectivo.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas