Centenares de emigrantes retornados claman en Compostela por «xustiza e igualdade»

(15/04/2019)

Centenares de emigrantes retornados claman en Compostela por «xustiza e igualdade»

Os manifestantes fixeron entrega dun escrito no Parlamento pedindo que os grupos políticos se sitúen

Centenares de emigrantes retornados e outros colectivos que apoian a súa causa percorreron na mañá deste venres as rúas de Compostela unidos pola mesma reivindicación, «xustiza e igualdade para máis de 250.000 galegos» que, calculan, están afectados. Reclaman aos grupos políticos que concorren ás eleccións que poñan remedio ao «trato discriminatorio» que existe entre os pensionistas. 

A manifestación, convocada pola Coordinadora Nacional Galega de Emigrantes Retornados, partiu de Praterías e dirixiuse cara ao Parlamento, onde se fixo entrega dun escrito no que esixen aos partidos que se mollen e manifesten a súa posición respecto das súas demandas.