GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Un bulo provoca un colapso de inmigrantes na fronteira greco-macedonia

(08/04/2019)

Un bulo provoca un colapso de inmigrantes na fronteira greco-macedonia

A policía grega dispersa aos centos de persoas que chegaron  a Diavata coa falsa información sobre a apertura fronteiriza

 

Un niño llora ante los gases lacrimógenos de la policía griega en la ciudad fronteriza de Diavata

Un neno chora ante os gases lacrimóxenos da policía grega na cidade fronteiriza de Diavata

 


diavata / Reuters/EP 06/04/2019

A Policía de Grecia utilizou onte gases lacrimóxenos para dispersar un improvisado campamento formado preto da fronteira con Macedonia do Norte, ante o bulo que se propagou de que se ía abrir a fronteira entre ambos os países. Unha situación parecida produciuse en Turquía . Centos de inmigrantes e refuxiados diríxense desde o xoves a Diavata, no norte de Grecia, atraídos polos rumores difundidos nas redes sociais de que a fronteira entre Grecia e Albania ía abrirse a principios de abril.

 

Á primeira hora de onte, os inmigrantes plantaran máis de cen tendas de campaña en Diavata, desde onde un grupo de persoas intentaron dirixirse cara á fronteira con Macedonia do Norte, un movemento que foi respondido con gases lacrimóxenos por parte da Policía.

 

«Estou a pedir a esta xente que volva aos centros de acollida», asegurou o ministro de Migracións heleno, Dimitris Vitsas, na televisión ERT. «É mentira que vaiamos abrir as fronteiras. Nos tratados internacionais hai obrigacións pero tamén sancións», dixo.

 

O ministro grego lamentou que «o 99 por cento» dos inmigrantes que se congregaron en Diavata son «vítimas» da desinformación. «¿Quen comparte esa desinformación? Maiormente os traficantes», sinalou.

 

Mentres, en Atenas un grupo duns 50 inmigrantes ocupaba as vías da principal estación de trens da capital e comezaba a gritar «Alemaña» e «Abride as fronteiras», mentres outros tantos foron retidos pola Policía. «Queremos ir a Tesalónica e logo á fronteira», explicou Amin Omar, un iraquí de 27 anos que se sentou nas vías. «Non sabemos si están abertas», recoñeceu.

 

Turquía tamén interceptou un grupo de inmigrantes que se dirixía á fronteira con Grecia atraídos polos rumores de que Ankara abrira a fronteira. As autoridades detiveron a preto de 1.200 persoas, segundo os medios turcos. A situación evoca aos peores momentos da crise migratoria do 2015, cando case un millón de persoas que fuxía da pobreza e os conflitos en Oriente Medio viaxou cara a Europa a través de Turquía e Grecia no que se denominou a ruta dos Balcáns.

 

Estes movementos caeron drasticamente no 2016 tras o pacto entre a Unión Europea e Turquía. Os países balcánicos tamén pecharon as súas fronteiras, o que deixou a moito dos inmigrantes e refuxiados que buscaban chegar a Europa central e do norte atrapados en Grecia.

 

 

Novas e Actualidade


Titulares
Histórico


 ACTIVIDADES

Agosto 2019
LMMeXVSD
   1234
567891011
12131415161718
19202122232425
262728293031 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas