(14/03/2019)
Os retornados avisan aos políticos: «Non vos queremos no sillón»
ourense 13/03/2019
Os emigrantes retornados non cesan na súa loita na rúa para facer escoitar as súas reivindicacións, que se centran en cuestións fiscais relativas á súa tributación noutros países. Espéralles, segundo explica o presidente da plataforma ourensá Luis Quintas, unha primavera quente. Onte manifestáronse polas rúas do centro de Ourense partindo desde os xardíns de Pai Feijoo. Á fronte do percorrido ía unha pancarta que expresaba o seu sentimento actual: «Menos corrupción, máis solucións. Votaremos a vosa expulsión, non vos queremos no sillón». O lema completábase coa petición de que se derrogue a Lei 35/2006, que consideran que é moi lesiva cos seus intereses fiscais. «O que nos fan os políticos é un desprezo. Nós traballamos toda a vida e agora querennos avasallar».
A pesar de que ata o momento as súas reivindicacións mantidas durante anos apenas lograron resultados, Luis Quintas advirte de que seguirán «loitando». Unha das cuestións que teñen encima da mesa é a cuestión relativa aos graos de invalidez que moito dos emigrantes retornados teñen recoñecidos noutros países, e que en España lle son revisados.
Sobre o conflito que se prolonga no tempo aseguran que eles só reciben unha paga como pensionistas, por moito que sexa de varios pagadores e consideran que debe modificarse a normativa para que eles non se vexan prexudicados fiscalmente.
O 17 de abril teñen previsto unha nova manifestación.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas