(15/02/2019)
Consuelo Rumí presidiu a reunión do Foro para a Integración Social dos Inmigrantes
Consuelo Rumí no centro da imaxe coa ministra de Migracións, Magdalena Valeria.
A REXIÓN INTERNACIONAL 14/02/2019
A secretaria de Estado de Migracións, Consuelo Rumí, reafirmou hoxe na reunión do Foro para a Integración Social dos Inmigrantes a aposta do Goberno por recuperar a política de integración na axenda pública.
Consuelo Rumí, que presidiu a primeira reunión da presidenta do Foro, Cristina Blanco, subliñou a gran importancia que adquire este órgano esencial para “asesorarnos no deseño de políticas públicas dirixidas a fortalecer os alicerces dunha sociedade cohesionada, que visibilice o valor da diversidade”.
O nomeamento da socióloga Cristina Blanco, cunha ampla experiencia académica e investigadora ligada ao ámbito das migracións, aposta por unha presidencia sólida e comprometida, que, segundo a secretaria de Estado de Migracións, “terá un enfoque da integración que pivote sobre principios tan importantes como a igualdade, a cidadanía, a interculturaliad e a inclusión”.
A responsable de Migracións lembrou como unha das prioridades do Executivo a elaboración do Plan Estratéxico de Cidadanía de Integración, anunciado polo Presidente do Goberno en Marrakech con motivo do Pacto Mundial para unha Migración Segura, Ordenada e Regular das Nacións Unidas.
O obxectivo deste Plan, segundo afirmou Consuelo Rumi, é que se converta nun instrumento útil para promover a integración dos inmigrantes e dos solicitantes e beneficiarios de Protección Internacional en España. “E que sexa un Plan dirixido ao conxunto da poboación, coa interculturalidad como principio articulador das políticas de integración”, engadiu.
A secretaria de Estado de Migracións anunciou que o papel do Foro para Integración Social dos Inmigrantes, da súa nova presidenta e do próximo Plan Estratéxico de Cidadanía e Integración “está chamado a ser parte do antídoto contra os discursos populistas e nacionalistas que algúns queren instalaar no noso país”. “Estou segura que o traballo deste Foro contribuirá a fomentar a tolerancia e a convivencia en España”, finalizou Consuelo Rumí.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas