(14/02/2019)
A Xunta achaca ao Goberno arxentino a actual situación do Centro Galego de Buenos Aires
En Marea apremou ao Executivo autonómico a “mover ficha” ante a “posible venda” do edificio da institución
RedacciónSantiago 0 | 14 de febreiro de 2019
O conselleiro de Cultura e Turismo, Román Rodríguez, afirmou no Parlamento galego que a “responsabilidade” da complicada situación do Centro Galego de Buenos Aires “non cae na Xunta nin en ningunha formación política española”, senón “no Goberno de Arxentina”.
Así respondeu o dirixente do Executivo galego a unha pregunta formulada pola deputada de En Marea, Ánxeles Cuña, quen apremou á Xunta a “mover ficha” ante a “posible venda” do edificio da institución despois de que responsables do Goberno galego, segundo dixo, “expulsasen” ao Centro Galego de Buenos Aires de Ospaña, organización “creada precisamente” para protexer estas instalacións.
O conselleiro recriminou á parlamentaria por formular unha pregunta “bastante absurda no fondo e a forma”, xa que foi rexistrada en virtude dunha asemblea do Centro Galego de Buenos Aires que se ía a celebrar o pasado luns 11 de febreiro e que finalmente se atrasou.
Cuña dixo que o interventor da institución aprazou esta reunión por motivos como “a situación macroeconómica de Arxentina” e a “especificidade” do Centro Galego.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas