(07/02/2019)
Consuelo Rumí resalta o cambio que supuxo en materia de migracións a recuperación das políticas de integración
A secretaria de Estado de Migracións participou hoxe na presentación do Anuario CIDOB da Inmigración 2018
Segundo estudos internacionais, os españois son os cidadáns europeos máis favorables aos fenómenos migratorios
Ministerio de Traballo, Migracións e Seguridade Social 06/02/2019
A secretaria de Estado de Migracións, Consuelo Rumí, fixo hoxe especial fincapé no cambio que supuxo en materia de migracións a recuperación da políticas de integración por parte do Goberno, que sitúa como prioridade “a xestión con responsabilidade e solidariedade dun fenómeno que supón unha gran oportunidade e non unha ameaza”.
Consuelo Rumí pronunciouse desta maneira na presentación do Anuario CIDOB da Inmigración que, baixo o título “Inmigración e Asilo, no centro da area política”, analiza o estado e a evolución da inmigración en España, do que se debuxa unha nova etapa ascedente do ciclo migratorio que predice a recuperación dos niveis de inmigración anteriores á crise.
A secretaria de Estado de Migracións, Consuelo Rumí, mostrouse partidaria de “facer pedagoxía e apelar á verdade, con datos e estatísticas reais para desarmar a quen alimenta a mentira con argumentos que criminalizan aos inmigrantes, presentandos como os grandes culpables da nosa sociedade”.
A responsable de Migracións valorou a importancia dos estudos internacionais que reflicten o feito de que os españois son os cidadáns europeos máis favorables á inmigración, “circunstancia que pode contribuír a salvagardar valores esenciais dunha sociedade democrática, ao mesmo tempo que debería facer reflexionar “a quen se ven tentados a fomentar discursos racistas e xenófobos construídos sobre premisas falsas”.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas