O Concello de Burela iniciou un curso de formación dixital para estranxeiros

(29/01/2019)

O Concello de Burela iniciou un curso de formación dixital para estranxeiros

A Concellería de Inmigración e Cooperación de Burela iniciou onte un curso de formación dixital para estranxeiros que se celebrará ata o vindeiro 13 de febreiro en horario de mañá. A concelleira responsable da iniciativa, Angélica Gómez Sánchez, explicou que se trata dun curso básico de formación dixital dirixido a aquelas persoas estranxeiras que queiran «aprender programas e ferramentas básicas relacionadas co campo da informática, para así aumentar a súa formación e empregabilidade». A edil de Inmigración e Cooperación engadiu que o cursiño «ten por obxectivo axudar a acadar un bo grao de integración» entre os cidadáns procedentes doutros países. Financian a acción a Consellería de Política Social da Xunta de Galicia e o Fondo Social Europeo.