(22/01/2019)
A media de estranxeiros afiliados á Seguridade Social sitúase en 1.992.849 ocupados en decembro
-O crecemento interanual é de 8,43%, o máximo en 11 anos
-Son 154.948 persoas máis que hai un ano
-A afiliación de estranxeiros sobe en 11.769 persoas no último mes
A afiliación de traballadores estranxeiros á Seguridade Social foi en decembro de 1.992.849 ocupados. A porcentaxe de crecemento interanual sitúase deste xeito no 8,43%. Hai que remontarse a marzo de 2008, antes da crise, para atopar un nivel similar. En concreto, rexistráronse 154.948 persoas ocupadas máis que en decembro de 2017.
No último mes a cifra deste colectivo creceu un 0,59%, o que supón 11.769 traballadores estranxeiros máis.
Do total de traballadores doutros países afiliados ao Sistema da Seguridade Social, os grupos máis numerosos proceden de Romanía (338.337), Marrocos (255.708), Italia (111.354) e China (105.398). Séguenlles os traballadores nacionais de Ecuador (72.080), Reino Unido (65.334), Colombia (63.147), Bulgaria (58.814) e Portugal (52.404).
Comunidades autónomas
En termos mensuais, a ocupación de traballadores estranxeiros aumenta en Andalucía (5,99%), Castela-A Mancha (3,93%), A Rioxa (1,97%), Comunidad de Madrid (0,47%), Comunidade Valenciana (0,31%) e Región de Murcia (0,31%). Tamén sobe en Ceuta (1,61%) e Melilla (3,28%).
Doutra banda, a afiliación de estranxeiros mingua nas Illas Baleares (-4,98%), Estremadura (-4,85%), Cantabria (-1,16%), Galicia (-1,09%), Castela e León (-0,87%), Navarra (-0,85%), Asturias (-0,83), Aragón (-0,63%), Cataluña
(-0,33%), País Vasco (-0,27%) e Illas Canarias (-0,25%).
En decembro de 2018, entre os afiliados estranxeiros, 1.177.655 traballadores proceden de países de fóra da Unión Europea e o resto (815.194) de países comunitarios.
Por réximes, a maioría dos afiliados estranxeiros está encadrada no Réxime Xeral: 1.662.671 (este dato inclúe o Sistema Especial Agrario, con 229.674 ocupados, e o de Fogar, con 174.592). Séguenlle o Réxime de Traballadores Autónomos, con 326.376 persoas, o Réxime Especial do Mar, con 3.735, e o do Carbón, con 68.
Da cifra total de afiliados estranxeiros en decembro, 1.127.736 son homes e 865.113 son mulleres. Os datos de afiliados por comunidades autónomas distribúense así:
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas