(09/01/2019)
A Confederación Europea de Asociacións de Españois reuniuse con José Alarcón
Redacción, Madrid | 08 Xaneiro 2019 - Crónicas da Emigración
José Alarcón e José María Villar -3º e4º pola izda.-, xunto co resto de membros da Confederación que asistiron á reunión.
A Confederación Europea de Asociacións de Españois (CEASE) expuxo as necesidades dos emigrantes europeos ao director de Emigración, José Alarcón, durante a reunión que mantiveron o pasado mes de decembro e na que tamén estaban o director do Instituto Cervantes e un representante da Comunidad de Madrid.
Durante o encontro, o director de CEASE, José María Villar, explicou o proxecto desta institución e asegurou que os emigrantes españois en Europa padecen problemas que moitas veces non ven reflectidos en ningún informe como o desarraigamento e a soidade que padecen moitos dos emigrantes xa maiores. Tamén falou dos problemas das subvencións ás Asociacións, o voto no estranxeiro e o aumento da emigración de mozos. Ademais lembrou a importancia da ‘Marca España’ que promove o Goberno de España e que é promocionada, en gran parte, polos emigrantes españois.
José María Villar reivindicou o protagonismo de CEASE na elaboración de informes realistas nestes problemas pois levan funcionando como Confederación Europea desde os anos 80. Ademais, o actual equipo técnico da Confederación é de recoñecido prestixio na elaboración deste tipo de informes.
Por todos estes problemas sen resolver CEASE solicita nun plan de desenvolvemento, ben estruturado, axudas para o inicio do seu proxecto que será de interese, tanto para os emigrantes, como para a Administración Española.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas