GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Comisión Delegada comeza as súas sesións de traballo no Centro Galego de Barcelona a porta pechada

(12/12/2018)

A Comisión Delegada comeza as súas sesións de traballo no Centro Galego de Barcelona a porta pechada


E. F. Barcelona | 12 Decembro 2018 - Crónicas de la Emigración

 

Integrantes de la Comisión Delegada dialogan antes de iniciar su sesión de trabajo.

Integrantes da Comisión Delegada dialogan antes de iniciar a súa sesión de traballo.


Os integrantes da Comisión Delegada do Consello de Comunidades Galega reúnense esta mañá a porta pechada co secretario xeral de Emigración, Antonio Rodríguez Miranda, para facer balance das actuacións levadas a cabo durante 2018.

O acto ten lugar no emblemático Centro Galego da cidade condal, unha entidade con 126 anos de antigüidade e situada en plena Rambla barcelonesa e que agrupa na actualidade a uns 3.500 socios.

Asisten por España á reunión Eduardo Méndez Gómez, da Unión de Asociacións Galegas en Catalunya; José Ignacio Paz Bouza, do Centro Galego de Salamanca, María Pilar Rodríguez Villar, da Agrupación Fillos de Galicia en Sestao, e José Antonio Otero Fernández, dirixente do Lar Gallego de Sevilla.

Por Europa están presentes Álvaro Moreira Muiños, de Xuventude de Galiza, Centro Galego de Lisboa; Francisco José Álvarez Darriba, do Centro Cultural Galego de Cuxhaven, e José Gil Doval, da Asociación Cultural ASC –“As Xeitosiñas” Grupo de Baile e Banda de Gaitas de Zürich.

Por América acoden á cita Eduardo Lijo Brión, da Unidade Galega dos Estados Unidos INC; Beatriz Carballo Regueira, da Asociación Civil Fillos do Concello de Zas e Sergio Manuel Toledo Bueno, da Sociedade Cultural Rosalía de Castro.

Como membro permanente da Comisión asiste esta mañá á sesión de traballo Roberto González Pérez, da Irmandade Galega de Venezuela.

Ás reunións incorporaranse ao longo do día de hoxe o outro membro permanente da Comisión, Alberto Walter Iglesias Rodríguez, en representación da Casa de Galicia de Montevideo, e Ángel Ignacio Domínguez Castro, do Centro Pontevedrés Social e Deportivo de Montevideo.

Dúas caras novas forman parte desta Comisión: Francisco José Álvarez, procedente de Cuxhaven, e Eduardo Lijo, de Nova York, dous novos representantes do colectivo no exterior, dispostos a expresar as súas ideas e mostrar as súas inquietudes e a da mocidade á que representan ante os máximos representantes da Administración galega, tanto do Goberno autonómico como do departamento de Emigración da Xunta.

Sobre as 11 da mañá está prevista a visita á entidade para reunirse cos integrantes da Comisión do presidente da Xunta, Alberto Núñez Feijóo, disposto a falar con todos eles sobre o que une aos galegos: a cultura, a lingua e unha forma común de entender o mundo, segundo adiantou no acto que tivo lugar na tarde de onte na sede de Ugalcat, na Agrupación Saudade de Barcelona.

As sesións da Comisión prolongaranse durante todo o día de hoxe e ocuparán tamén a sesión matinal de mañá.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas