Oleiros. O Concello recolle cueiros e leite para bebés sirios refuxiados en Grecia

(10/12/2018)

O Concello recolle cueiros e leite para bebés sirios refuxiados en Grecia


redacción | oleiros 08.12.2018 | La Opinión


O Concello oleirense desenvolverá entre os días 11 e 18 de decembro unha campaña de recollida de produtos de hixiene e alimentos para nenos sirios refuxiados en Grecia. As entregas poderán realizarse nos centros educativos, na Casa do Concello, na Fábrica e nas farmacias do municipio.

O material que se solicita son cueiros desechables para bebés de 0 a 36 meses, leite para bebés de ata un ano e cereais para bebés de ata 36 meses. Todo o material recolleito será destinado ao proxecto que a ONG Asociación Participa pola Integración Social ten en marcha en Grecia, nunha casa de acollida para mulleres refuxiadas sirias e os seus nenos. O Concello decidiu poñer en marcha esta iniciativa "ante a gran necesidade destes produtos específicos nesa casa de acollida", explica, e lembra a súa frecuente colaboración con ONG.