Fabiola García asina un convenio por 10.000 euros co Fogar Galego para Anciáns de Domselaar para a atención dos emigrantes

(10/12/2018)

Fabiola García asina un convenio por 10.000 euros co Fogar Galego para Anciáns de Domselaar para a atención dos emigrantes

Durante a súa estancia en Arxentina, a conselleira de Política Social tamén visitou o Centro Galego de Avellaneda

Leo Vellés Buenos Aires | 8 de decembro de 2018

Fabiola García xunto ao delegado da Xunta, Alejandro López Dobarro (á esquerda) e directivos do Fogar.


A conselleira de Política Social da Xunta de Galicia, Fabiola García, asinou o pasado venres 7 de decembro en Buenos Aires un convenio de colaboración por un monto de 10.000 euros co Fogar Galego para Anciáns de Domselaar que ten por obxectivo garantir e mellorar a atención socio sanitaria dos 120 emigrantes maiores que alí residen, dos cales o 40 por cento son de orixe galega.

Na súa primeira viaxe a Arxentina desde que asumiu o seu cargo hai dous meses, García ratificou o compromiso da Xunta con esta institución que en xuño deste ano celebrou o seu 75º aniversario e que realiza un loable labor de asistencia e contención aos emigrantes galegos e españois máis necesitados, renovando a partida económica anual que o Executivo galego destínalle para axudar ao desenvolvemento das súas actividades e paliar os seus gastos de funcionamento.

Logo de ser recibida pola xunta directiva da entidade que preside Bernardo Rey, García realizou un percorrido polas súas instalacións para comprobar de primeira man a situación dos anciáns que viven na residencia, podendo charlar con algúns deles, quen sempre se emocionan cando reciben a visita dalgún funcionario chegado desde Galicia.

A conselleira explicou que, grazas á firma do convenio, o Fogar Galego para Anciáns de Domselaar poderá contar con recursos para mellorar a atención que brinda aos seus residentes e optimizar os servizos de prevención sanitaria, incluídos a compra de medicamentos e material xeriátrico.

En conversación con España Exterior, García eloxiou o importante traballo solidario que a institución realiza e que a levou a converterse co correr dos anos nunha das entidades máis destacadas da colectividade galega de Arxentina.

“Puiden percorrer as instalacións do Fogar para coñecer de primeira man cales son as súas necesidades e foi un pracer poder estar cos avós para transmitirlles o compromiso que a Xunta ten con todos os galegos, non só cos que viven en Galicia senón tamén cos que residen no exterior, e exemplo diso é o convenio que hoxe asinamos para seguir mellorando a súa calidade de vida”, sinalou.

García recalcou que no Fogar viven galegos de todas as rexións de Galicia, “mesmo da miña terra, o municipio de Ribeira”, e expresou a súa satisfacción por poder charlar con eles: “Sempre emociona que che conten as súas experiencias porque, ademais, puiden comprobar que a pesar de levar vivindo varios anos en Arxentina o seu corazón sempre está posto en Galicia”, resaltou.

Pola tarde, a conselleira visitou as instalacións do Centro Galego de Avellaneda, que foi fundado o 22 de outubro de 1899 e é o máis antigo de Arxentina. Durante o percorrido polas súas instalacións, García puido observar de primeira man o cadro que o pintor José Seijo Rubio pintou en 1921 sobre o naufraxio do buque Santa Isabel, sucedido fronte á illa de Sálvora, en Ribeira, e no que faleceron 213 das 268 persoas que viaxaban no barco, tamén coñecido como o ‘Titanic galego’. “É un cadro moi coñecido en Ribeira. É máis, hai poucos anos foi exhibido no meu municipio e é por tanto moi emocionante volver a velo nesta institución”, contou.

Cabe destacar que antes de asumir á fronte da Consellería de Política Social da Xunta, García desempeñouse como directora xeral de Maiores e Persoas con Discapacidade, polo que, asegura, dá fe do compromiso do Goberno que preside Alberto Núñez Feijóo en canto á atención das persoas de maior idade que atravesan situacións de necesidade: “Os nosos maiores son unha prioridade para a Xunta e considero que para min non hai mellor forma que comezar esta nova etapa como conselleira coñecendo de primeira man as necesidades dos galegos que están no exterior”, subliñou.

García, quen tamén visitará á colectividade residente en Uruguai, concluíu expresando o seu “agradecemento a todos pola acollida que me brindaron e por recibirme cos brazos abertos e pedirlles que sigan sempre conservando e transmitindo os valores de Galicia”.