(19/11/2018)
redacción | ourense 19.11.2018 | Faro de Vigo
O futuro Museo da que Emigración que a Deputación quere construír en Ourense contará coa colaboración de asociacións de emigrantes no exterior que achegarán pezas ou documentos para enriquecer ese legado museistico. Así o acordaron a Deputación de Ourense e a Federación de Asociacións Galegas da RepúblicaArgentina durante o encontro do o presidente do goberno provincial de Ourense, Manuel Baltar, ao país austral, onde se reuniu co presidente da mencionada federación, Diego Martínez Duro, durante a visita que Baltar realizou á sede desta entidade, situada no barrio bonaerense de San Telmo.
No encontro, no que tamén participou a secretaria da federación, Lorena Lores, o presidente da Deputación tivo a oportunidade de coñecer o importante legado da emigración galega que custodia a Federación en Buenos Aires, no Museo da Emigración Galega ( MEGA) e a súa biblioteca, cos que a Deputación de Ourense vén colaborando na dixitalización do seu arquivo, "unha das máis relevantes fontes da cultura e a historia da nosa emigración", afirmou o presidente Baltar.
A posta en marcha desta iniciativa -que será socia do MEGA- conta co apoio dos centros galegos no exterior, que achegarán os fondos necesarios para darlle contido ao museo.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas