Fumega destaca a importancia da emigración carballiñesa

(14/11/2018)

Fumega destaca a importancia da emigración carballiñesa

O alcalde recordou en Buenos Aires que crearon escolas, como a de Banga, e achegaron fondos para a escultura dos irmáns Prieto Pereira

O alcalde do Carballiño, Francisco Fumega Piñeiro, destacou no centro carballiñés en Buenos Aires a importancia histórica que o colectivo de emigrantes tivo na vila ao longo da historia. O Centro Partido do Carballiño en Buenos Aires acolleu o primeiro dos actos de conmemoración do centenario da entidade, actividades que terán continuidade coas convocatorias convocadas para hoxe, o sábado e o domingo. Precisamente o día 18 será cando se celebre a gran festa de conmemoración do centenario.

Escola de Banga e parque

O rexedor municipal carballiñés recordou que os emigrantes da vila en Arxentina contribuíron a construír escolas como a de Banga ou achegaron os fondos para finalizar o monumento aos irmáns Prieto Pereira no parque. Na festa do centenario o Concello do Carballiño ofrecerá unha degustación de polvo.