O Congreso impulsa o fin do voto rogado da emigración

(24/09/2018)

O Congreso impulsa o fin do voto rogado da emigración


   A subcomisión encargada de estudar unha posible reforma da Lei Electoral reúnese este martes

O voto en urna como o resto de españois, unha reclamación dos residentes no exterior. 

Diario Atlántico

n n n A subcomisión do Congreso encargada de estudar unha posible reforma da Lei Electoral ten previsto reunirse este martes para tratar de dar un impulso á procura dunha solución conxunta para poñer fin ao voto rogado. O chamado voto rogado, que se puxo en marcha en 2011, obriga aos españois residentes no exterior para solicitar previamente o voto en cada convocatoria de xenerais, autonómicas e europeas, unha modificación que fixo caer en picado a participación dos inscritos no Censo de Españois Residentes Ausentes (CERA).

É por iso que todos os grupos parlamentarios coinciden na necesidade de dar unha solución a este sistema con idea de que un novo poida estar listo antes das eleccións autonómicas e europeas previstas para a próxima primavera. Con todo, aínda que hai consenso para acabar co voto rogado, non o hai sobre que modelo debe adoptarse no seu lugar. O que parece estar claro é que non se pode volver á lexislación previa, que estaba permanentemente cuestionada por denuncias de fraude.

O voto rogado centrou precisamente a comida de traballo que na pasada semana mantivo o ministro de Asuntos Exteriores e de Cooperación, Josep Borrell, na sede do seu departamento cos portavoces da subcomisión electoral. Nese encontro, segundo confirmaron fontes parlamentarias, Borrell, partidario de suprimir este sistema de votación, comprometeuse cos grupos para enviarlles en próximas semanas un informe sobre cales cre o Goberno que poden ser as alternativas ao voto rogado.

Ao choio

Aínda que polo de agora o Executivo non lles remitiu o prometido informe, o presidente da Comisión Constitucional, Jesús Posada, decidiu convocar a subcomisión electoral co fin de chamar aos grupos para poñerse "ao choio" sobre cales son as súas propostas para substituír o actual sistema de votación, sobre todo por mor da colaboración que o xefe da diplomacia española ofreceulles.

Os traballos da subcomisión electoral iniciáronse en abril de 2017 e desde entón recibiu media ducia de comparecencias sobre asuntos como o voto electrónico, a participación electoral de persoas con discapacidade ou o voto desde o estranxeiro, pero aínda non comezou o debate de propostas e recomendacións. A principios de mes, o Pleno do Congreso dos Diputadios deu o visto e prace á petición da subcomisión electoral de prorrogar catro meses o seu mandato para poder ter listo o informe correspondente antes de que finalice este ano. n