(04/09/2018)
La Voz de Galicia
burela / a voz 04/09/2018
A subdelegada do Goberno en Lugo, Isabel Rodríguez, mantivo onte un encontro en Burela co alcalde Alfredo Llano. Neste primeiro encontro falaron de seguridade, de posibles melloras no cuartel da Garda Civil asentado na localidade burelense; tamén trataron a inmigración e a convivencia entre habitantes de tantas nacionalidades, e -en xeral- tamén aproveitaron o encontro para falar de infraestruturas e incluso de temas de pesca.
Con relación á seguridade e ao cuartel, a subdelegada do Goberno, Isabel Rodríguez, volveu incidir en que non está previsto eliminar ningún cuartel, «esa previsión non é real; de momento non existe nada neste sentido que deba preocuparnos», sinalaron Llano e Isabel Rodríguez.
Arranxo da estrada
Con respecto á seguridade, en xeral, ambos coincidiron en que «Burela é un sitio tranquilo; a pesar de todo imos celebrar unha xunta local de seguridade proximamente».
O arranxo da estrada da costa ou a situación «penosa» de Feve foron algúns dos temas tratados tamén onte con carácter xeral. Con respecto a Feve, Isabel Rodríguez tratará de xestionar unha entrevista co presidente de Adif. Tamén quedaron en celebrar unha reunión sobre violencia de xénero.
«De momento non hai previsión de peche de ningún cuartel»
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas