(16/07/2018)
Axencias
15/07/2018
Máis de 850 inmigrantes foron rescatados desde o venres cando intentaban alcanzar as costas andaluzas nunha trintena de pateras, a maioría deles, 669, en augas do Estreito de Xibraltar e o resto no mar de Alborán.
A xornada de hoxe domingo foi na que menos rescates se produciron, un total de 149 persoas que viaxaban en seis embarcacións polo Estreito de Xibraltar e que foron trasladadas aos portos de Tarifa e Alxeciras, informou Salvamento Marítimo.
A última patera foi localizada esta tarde, pasadas as 18:30 horas, e a bordo dela viaxaban 31 persoas.
O venres foron rescatados 251 inmigrantes de 11 pateras no Estreito e outros 112 de dúas pateras no mar de Alborán, mentres o sábado o foron 339, no Estreito 269 e os 70 restantes en Alborán. Nunha das pateras localizadas o sábado pola Garda Civil viaxaban cen menores de idade.
As continuas chegadas de inmigrantes están a provocar dificultades para atendelos e realizar os trámites legais para a súa identificación e aplicarlles a Lei de Estranxeiría.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas