Cepesca propón formar e contratar aos inmigrantes que chegan en patera

(06/07/2018)

Cepesca propón formar e contratar aos inmigrantes que chegan en patera

Desta forma a  Confederación Española de Pesca busca liquidar a falta de persoal cualificado para incorporarse ás tripulacións

O sector pesqueiro atópase con grandes obstáculos á hora de atopar persoal cualificado para incorporarse ás tripulacións, especialmente nos postos de mando. Ante este problema a Confederación Española de Pesca (Cepesca) trasladou ao ministro de Agricultura, Pesca e Alimentación, Luis Planas, xa no primeiro encontro que tiveron con el, a posibilidade de ofrecer formación e emprego aos inmigrantes que chegan ás costas españolas e desta forma liquidar a falta de man de obra.

O sector comunicou a Planas a preocupación existente ante a «tormenta perfecta» que pode formarse co veto total aos descartes a partir do 1 de xaneiro, a necesidade de alcanzar o rendemento máximo sostible (RMS) antes do 2020 e o brexit, ao que se suman os plans plurianuais do Mediterráneo e de augas occidentais.

Isto sitúa ao negocio da pesca nun momento de incerteza socioeconómica, de cara á súa actividade. Por este motivo, Cepesca pide ao ministro que solicite unha maior flexibilidade no cumprimento da obrigación de desembarque.

Os acordos de pesca tamén foron tratados na reunión, en especial o convenio entre a UE e Marrocos, que conclúe o próximo 14 de xullo, e o pacto de colaboración que ten a UE para poder pescar nos mares de Guinea Bisáu, imprescindible para as flotas atuneras e marisqueiras.