O goberno local da Laracha informará á corporación, o venres, das medidas que adoptará para acoller aos refuxiados sirios. Unha delas será a creación dun rexistro de familias que estean dispostas a acoller. Xa comezou a recollida de datos. Tamén ofrecerá unha lista de todas as instalacións que porá a disposición da Fegamp. Calculou o executivo municipal que só podería atender temporalmente un máximo de 74 refuxiados.

Outro dos asuntos que irá á sesión ordinaria é unha solicitude para que a Deputación se faga cargo da tesourería e a recadación. Tamén abordará as alegacións ao inventario de camiños.