GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Os concellos e deputacións galegos xa ofrecen máis de 900 prazas para acoller a refuxiados sirios

(17/09/2015)

Os concellos e deputacións galegos xa ofrecen máis de 900 prazas para acoller a refuxiados sirios

 

 

 

 

 

A Fegamp ven de pechar a primeira fase de inventario dos recursos dos que dispoñen as entidades locais galegas para acoller a refuxiados da guerra de Siria. A suma dos recursos ofrecidos por 39 concellos e 2 deputacións provinciais (Lugo e A Coruña) supera xa as 900 prazas, preparadas para ser ocupadas mañá mesmo en calquera deles. Outro nutrido grupo de concellos e deputacións xa expresaron por escrito á Fegamp a súa vontade de colaborar na acollida, malia que todavía non concretaron o número de prazas das que dispoñen, están pendentes de pechar negociacións ou presentan posibilidades incompletas en canto a súa infraestrutura. 

 

A Fegamp xa enviou esa primeira listaxe de recursos pechada hoxe á Consellería de Benestar da Xunta de Galicia e á Federación Española de Municipios e Provincias (FEMP), que son os interlocutores ante o Goberno central (que é o que ten as competencias en materia de Inmigración), tal e como se acordou na primeira reunión do Grupo de Traballo de Galicia para a acollida dos refuxiados, que tivo lugar a semana pasada. Nese grupo participan, ademais da nosa Federación, a titular de Benestar do Goberno galego, Beatriz Mato, responsables de departamentos da Xunta implicados na acollida e 4 ONGs (Cruz Bermella, Cáritas, Unicef e Accem).

 

A Fegamp mantén aberta a recollida de ofertas para acoller refuxiados de concellos e deputacións. Os interesados en contactar connosco deben facelo através do teléfono 981 555 999 ou por mail no seguinte enderezo: correo@fegamp.gal.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas