O alcalde da Coruña, Xulio Ferreiro, indicou esta mañá nas redes sociais que A Coruña xa está sumada á rede de cidades españolas que acollerán a persoas refuxiadas procedentes de Siria. Neste sentido, o grupo municipal socialista presentou unha moción na que insta a que A Coruña se ofreza como cidade acolledora de refuxiados. Nela expón que o goberno local deseñe, en colaboración con oenegués un plan de acollida e atención a refuxiados ofertando cen prazas que inclúan vivenda, atención sanitaria, integración social, integración no ámbito educativo, atención psicolóxica e formación laboral continuada. Na moción tamén se insta a que se pida ao Goberno de España a aceptar «os 4.288 solicitantes propostos inicialmente pola Comisión Europea e aumentar de forma inmediata o orzamento destinado ao asilo e a acollida de refuxiados».