O presidente do Consello Europeo, Donald Tusk, instou aos países da Unión Europea (UE) a aceptar unha «xusta» redistribución de polo menos 100.000 refuxiados e a dobrar os seus esforzos, tamén en termos de financiamento.
«Aceptar máis refuxiados non é o único, pero si un importante xesto de solidariedade real. Unha distribución xusta de polo menos 100.000 refuxiados entre os Estados membros é o que, de feito, necesitamos hoxe», dixo tras o seu encontro co primeiro ministro de Hungría, Viktor Orbán.