O concelleiro de Lecer e Xuventude de Lalín, Juan José Cruz, anunciou onte a apertura do prazo de inscrición no curso de Tapas Fusión, que se celebrará o vindeiro sábado, día 8. O obxectivo é fomentar a integración dos inmigrantes a través da cociña. Así, as persoas orixinarias doutro país que se atopen en situación de desemprego e relacionadas co ámbito da hostalería, terán prioridade. Para formalizar a inscrición unicamente é necesario realizar unha chamada ao Concello, no 986 78 70 60.
O curso será impartido polo cociñeiro Lucas Requejo, nun local da rúa Rosalía de Castro, en Lalín. Mostrará a elaboración dos pratos representativos da cociña galega e a súa fusión con outros pratos foráneos.