GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Miranda e Rozas inauguran a edición de 2015 de ‘Escolas Abertas’, o programa de Emigración que espalla Galicia por todo o mundo

(17/07/2015)

Miranda e Rozas inauguran a edición de 2015 de ‘Escolas Abertas’, o programa de Emigración que espalla Galicia por todo o mundo

 

 
 

A convocatoria adiantouse este ano respecto a edicións anteriores, co obxectivo de axilizar a tramitación administrativa e dar máis tempo á planificación previa das beneficiarias e beneficiarios.

 

Oitenta cidadás e cidadáns residentes no exterior acceden desde hoxe á formación especializada en diversas áreas, para despois divulgala nas súas áreas de residencia habitual.

 

Miranda (no centro da imaxe) e Rozas (á súa dereita) durante o acto de inauguración

Miranda (no centro da imaxe) e Rozas (á súa dereita) durante o acto de inauguración

 

Lugo / Santiago de Compostela, 16 de xullo de 2015.

 

 

Listen to this page using ReadSpeaker

 

 

O secretario xeral da Emigración, Antonio Rodríguez Miranda, e mailo delegado provincial en funcións da Xunta en Lugo, José Manuel Rozas, inauguraron esta mañá na Residencia Xuvenil Lug II a edición de 2015 do programa ‘Escolas Abertas’, destinado ás comunidades galegas e persoas galegas e residentes fóra da Galicia territorial.
A convocatoria deste ano tense adiantado un mes respecto do pasado ano, co obxectivo de facer o máis áxil posible a tramitación das solicitudes, e tamén para outorgar máis tempo aos beneficiarios e beneficiarias, e ás e aos seus docentes, para a planificación da viaxe e das actividades a desenvolver.

 

Trátase dun programa que pretende espallar a cultura, modo de vida e actualidade de Galicia por todo o mundo a través da convivencia e estadía de persoas que transmitirán a súa experiencia propia a moitas e moitos outros nos seus lugares de orixe ou residencia habitual, mediante o efecto multiplicador dos cursos formativos. Desta maneira, a Galicia actual dáse a coñecer da maneira máis efectiva e afectiva.

 

As e os alumnos deste programa son, á súa vez, formadoras e formadores nos lugares dos que proceden, polo que os seus coñecementos, e tamén a súa experiencia de contacto directo coa realidade actual do país, chega así á cidadanía da Galicia do Exterior. Coa instrución e mellora de habilidades das persoas participantes na iniciativa, acrecéntase o interese e a formación de milleiros de galegas e galegos residentes, e mesmo nados, fóra da Galicia territorial.

 

 

Efecto multiplicador
Así, e segundo o secretario xeral da Emigración Antonio Rodríguez Miranda, “a formación, a través dos participantes en Escolas Abertas, espállase a decenas de milleiros de alumnas e alumnos polos centros e casas de Galicia no mundo”. Ata o momento, téñense formado directamente nas distintas edicións do programa máis de 700 persoas, pero cada unha delas transmite despois os seus coñecementos e aprendizaxe aos respectivos alumnados nos centros e casas de Galicia onde imparten as clases.

 

Os cursos que se levan a cabo nesta edición de 2015 consisten en obradoiros de especialización das seguintes modalidades: gaita tradicional galega, baile tradicional galego, percusión tradicional galega, canto popular e pandeireta, e confección de traxe tradicional galego. Cómpre salientar que sempre se trata de obradoiros que teñen unha ampla demanda nas entidades galegas no exterior, criterio básico seguido por Emigración para a convocatoria destes cursos.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas