GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Merkel di que os muros non serven para frear a inmigración

(09/07/2015)

Merkel di que os muros non serven para frear a inmigración

 

A chanceler alemá apostou por que a UE axude aos países con gran entrada de inmigrantes para que afronten o problema

 

La Voz EFE Belgrado, 08 de xullo de 2015.

 

 

 

A chanceler alemá, Angela Merkel, opinou hoxe en Belgrado que levantar muros non é unha solución á chegada de refuxiados a Europa e apostou por axudar a Hungría e Serbia, países polos que entran moito inmigrantes indocumentados, para que afronten o problema.

 

«Na Unión Europea está a debaterse isto. Non deixaremos só a ninguén», dixo Merkel á prensa en Belgrado tras reunirse co primeiro ministro serbio, Aleksandar Vucic, onde subliñou que «non ten sentido construír muros», en referencia ao anuncio de Hungría de que construirá un valo de 175 quilómetros de longo e 4 metros de alto na súa fronteira con Serbia para frear a crecente onda migratoria.

 

Merkel, que chegou a Belgrado procedente de Albania nunha xira de dous días polos Balcáns que concluirá en Saraievo, recordou que nos últimos dous meses presentas procedentes de Siria e outros países que teñen como destino algún Estado da UE usan cada vez máis a ruta a través dos Balcáns occidentais. Concretamente, a Serbia e Hungría, países de tránsito cara a outros máis ricos, como Alemaña ou Austria, chegan a diario centos de persoas que piden asilo.

 

Por outra banda, Merkel referiuse ao difícil proceso de diálogo entre Serbia e Kósovo para a normalización das relacións e indicou que Belgrado mostrou «unha gran disposición ao compromiso».

 

«Expresarémolo ante a Comisión Europea e a nosa postura será que iso debe ser valorado», declarou Merkel sobre o diálogo que, auspiciado por Bruxelas, é unha importante condición imposta a Serbia para que a UE abra os primeiros capítulos nas negociacións de ingreso na Unión, que Belgrado espera para este ano.

 

Serbia non recoñece a independencia que proclamou no ano 2008 a súa antiga provincia de Kósovo, poboada maioritariamente por albaneses étnicos.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas