O departamento de Emigración do BNG iniciou un programa de asembleas no exterior

(06/07/2015)

O departamento de Emigración do BNG iniciou un programa de asembleas no exterior


Redacción, Santiago | 05 Xullo 2015 -



O departamento de Emigración do BNG iniciou un programa de asembleas no exterior "co fin de recoller toda a potencialidade que ten Galicia, de persoas sen ningún tipo de afiliación e colectivos sociais, ademais das formacións políticas", segundo explican dende a formación nacionalista.

Así, o BNG celebrará ata o venres 10 de xullo unha ducia de asembleas arredor do mundo para que a emigración "sexa parte con voz e voto da conformación dunha gran candidatura nacional galega de unidade", explica o BNG.

Este proceso, que se abría este domingo en Chile, nunha reunión no Paseo Bulnes, en fronte do Pazo da Moeda, ás 17:00 horas, terá como obxectivo o debate sobre unha candidatura que, segundo explica o BNG, "defenda os intereses do noso país e das aspiracións democráticas como o dereito a decidir e a soberanía".

Os resultados deste proceso arredor do mundo sumaranse aos das asembleas comarcais do país, "tomando colectivamente unha decisión definitiva, democrática, asemblearia e colectiva".

O programa de asembleas é o seguinte:

Domingo 5:

Santiago de Chile e Mendoza (Arxentina).

Luns 6:

Valencia (Rei de Canas, Pr. Armada Española), ás 21:30 horas.

Mércores 8:

Praga (Café-pub Athmosphere), ás 20:00 h.

Xoves 9:

Londres (Holiday Inn Kensington-Forum, 97 Cromwell, RD), ás 19:00 h.

Barakaldo (Centro Galego, Galiza Kalea, 3), ás 19:30 h.

Lima (Bar Patagonia, rúa Bolívar 164, Miraflores), ás 19:30 h.

Venres 10:

Laval (Taberna O'regans, 48 rue du Pont de Mayenne), ás 14:00 h.

Andorra (Bar Conte, Avda. Fiter i Rossell, 75, Escaldes-Engordany), ás 15:30 h.

Caracas (Irmandade Galega, Avda. Augusto César Sandino), ás 17:00 h.

Barcelona (Praza do Espai Jove, Grande de Grácia 190), ás 18:30 h.

Madrid (Lavapiés), ás 19:00 h.

Tenerife (Vestíbulo da Sala Timanfaya, o Porto da Cruz), ás 20:00 h.