GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Os problemas dos inmigrantes

(30/06/2015)

Os problemas dos inmigrantes


A miúdo esquecemos que os seus problemas son os nosos, que todos somos un nun mundo cada vez máis pequeno


Patricio Pron 30 XUÑO 2015 -

 

Algún tempo atrás certo xornal utilizaba a miúdo a rúbrica que encabeza esta columna para as súas noticias sobre inmigración, malia o cal resultaba e resulta evidente que eses problemas non eran ou son só dos inmigrantes, senón de toda a sociedade española da que estes desexan (ou deberían desexar) converterse en parte, por non mencionar o feito de que as mortes nas fronteiras de persoas que foron expulsadas dos seus países son (ou deberían ser) un problema de todos nós, en tanto conxéneres. Ao parecer, nin sequera un país católico como España comprende que cousa é a piedade e converte as dificultades dos seus inmigrantes en problemas dun outro indesexable e sen rostro.

Un país cun pasado máis atroz que España si parece telo entendido. En 2013, en Alemaña, catro estudantes crearon o proxecto Cocinar por fóra do prato no marco do cal un grupo de refuxiados confecciona pratos dos seus países de orixe nas súas casas para os visitantes e narra as súas historias. A iniciativa transcende a experiencia gastronómica, non obstante: coa escusa da degustación de comida doutros países (o único aspecto no que as sociedades europeas parecen dispostas a transixir cos seus inmigrantes), o que se cociña neses encontros é un contacto directo con eles que permite poñerlle nomes e rostros ás que, doutra forma, só son noticias no xornal, datos e cifras de mortos e desprazados sen historia ningunha. Cociñar por fóra do prato pon de manifesto algo que a miúdo esquecemos: que "os problemas dos inmigrantes" son os nosos, que todos somos un nun mundo cada vez máis pequeno. Quizais España aínda estea a tempo para comprendelo.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas