(03/06/2015)
Inmigración. O goberno prepara coas ccaa a devolución aos 'sen papeis' da atención primaria
lainformacion.com
martes, 02/06/15 -
O Ministerio de Sanidade, Servizos Sociais e Igualdade traballa coas comunidades autónomas na devolución aos inmigrantes irregulares do dereito á atención primaria no Sistema Nacional de Saúde (SNS) que se suprimiu na etapa de Ana Mato.
Así o asegrou o Goberno nunha resposta parlamentaria, á que tivo acceso Servimedia, a unha pregunta da deputada de UPyD Rosa Díez, que se interesou por cando se fará realidade o anuncio que fixo o ministro Alfonso Alonso o pasado marzo de que se restauraría ese dereito aos "sen papeis".
Alonso proponse modificar o decreto que impulsou Mato en 2012 polo que os inmigrantes en situación irregular só poden ser atendidos en urxencias (agás menores de idade e embarazadas). Os estranxeiros indocumentados volverán ter dereito á atención en ambulatorios, aínda que non dispoñerán de tarxeta sanitaria.
Na resposta parlamentaria, o Executivo afirma que o Ministerio de Sanidade "traballa nun programa" que garanta en maior medida que os inmigrantes en situación irregular acceden á atención que realmente necesita (no marco da carteira básica de servizos), así como que os centros de atención primaria sexan a súa porta de entrada ao sistema sanitario".
"O Ministerio de Sanidade, Servizos Sociais e Igualdade está a traballar coas comunidades autónomas para conseguir avances neste sentido dende a harmonización de normas, de requisitos, de procedementos e de especificacións en favor da calidade e da cohesión asistenciais," precisa a contestación do Goberno.
Malia que o vai cambiar, o Goberno di que o decreto que promoveu Mato en 2012 se mostrou plenamente eficaz para garantir a sostibilidade do Sistema Nacional de Saúde" e "os estranxeiros non autorizados nin rexistrados como residentes no noso país xa teñen a cobertura máis ampla de toda Europa".
Alfonso Alonso dixo que van reinstaurar aos 'sen papeis' o dereito á atención primaria por "saúde pública", porque é "máis práctico" e para "non saturar as urxencias".
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas