   |
    |
Román Rodríguez reuniuse co colectivo galego en Bos Aires
(12/05/2015)
Román Rodríguez reuniuse co colectivo galego en Bos Aires
Mariana Ruiz, Bos Aires | 11 Maio 2015 - Crónicas da Emigración
Rodríguez visita o Centro Arzuano Melidense, coa súa presidenta Adriana Garea, o senador con mandato cumprido, Jorge Villaverde e o conselleiro Santiago Camba.
Na súa primeira viaxe como conselleiro de Cultura, Educación e Ordenación Universitaria de Galicia, Román Rodríguez González, mantivo un encontro pechado coa delegación arxentina da Fundación Galicia América do Colexio Santiago Apóstolo, primeiro colexio galego arxentino no exterior.
Durante a primeira xornada da súa estadía na capital arxentina, Rodíguez visitou a Federación de Sociedades Galegas da República Arxentina acompañado polo secretario de Cultura de Galicia, Anxo Lorenzo Suárez, e o delegado do Goberno galego, Alejandro López Dobarro.
Alí, ademais, percorreu o Museo da Emigración Galega (MEGA) e participou na conferencia ofrecida polo escritor Luis González Tosar na biblioteca da Federación.
Durante o encontro no que González Tosar se referiu á obra e traxectoria do escritor arxentino e galego Francisco Luis Bernández, o presidente da entidade, Francisco Lores, criticou a decisión da Real Academia Galega de homenaxear este ano no Día das Letras Galegas a Xosé Filguera Valverde, por ser "un home da ditadura franquista".
Finalizando a xornada, o responsable da carteira galega de cultura e educación compartiu unha cea con veciños de Lalín en Bos Aires, na sede do Centro de Lalín, Silleda e A Golada de Bos Aires.
Antes de regresar a Galicia, o domingo 10, participou no festexo organizado con motivo do 80º aniversario da fundación do Centro Arzuano Melidense de Bos Aires.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas