GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Mozos españois residentes en 10 países serán parte das xornadas presenciais de CultUp

(05/05/2015)

 

Mozos españois residentes en 10 países serán parte das xornadas presenciais de CultUp

 

A Rexión Internacional 05/05/2015



O Programa de Apoio ao Emprendimiento Cultural de Jóvenes Españoles en el Exterior impulsado pola Fundación Iberoamericana das Industrias Culturais e Creativas (FIBICC
) e a Dirección Xeneral de Migracións do Ministerio de Emprego e Seguridade Social, formará e asesorará de xeito presencial a mozos españois residentes no Reino Unido, Irlanda, Francia, Bélxica, Italia, Austria, Estados Unidos, Chile, Países Baixos e Portugal.

Dende a súa posta en marcha no mes de xaneiro, CultUp recibiu máis de 300 solicitudes de españois residentes no exterior coa intención de desenvolver os seus perfís profesionais no ámbito das industrias culturais e creativas ou de lanzar os seus proxectos emprendedores coa axuda do programa.

Grazas á fase 'online' que deu comezo o pasado mes de marzo, son xa case 100 os proxectos beneficiarios desta axuda. Iniciativas como Aquelarre Translate, un proxecto innovador que xunta tradución e feminismo; a axencia de representación de compañías de teatro de obxectos e monicreques Play Away Shows; Taide on
Arte, unha plataforma para artistas e organizacións culturais hispanos (España e América Latina), residentes en Finlandia; ou nodoCCS, unha rede alternativa que busca afondar de xeito colectivo no sector artístico, son algúns exemplos do talento e a valentía de moitos mozos españois que se atreven a facer realidade as súas ideas lonxe dos seus lugares de orixe.

A dirección de CultUp está asombrada coa cantidade de talento que se canalizou a través do programa. "O nivel dos proxectos que recibimos nesta edición é elevado realmente. Estamos a escoitar grandes ideas, creativas, valentes, innovadoras. Para nós é un auténtico luxo poder achegar a nosa experiencia e recursos a iniciativas con tanto potencial", afirma Santiago Regueiro Montañés, Presidente da Fundación Iberoamericana das Industrias Culturais e Creativas.

Durante os próximos dous meses, maio e xuño, CultUp alcanzará a súa fase presencial que lle levará por 10 países, dos cales 9 representan novos horizontes para o programa:

Alemaña (Berlín) 3-6 de xuño.

Reino Unido (Londres) 8-9 de xuño.

Bélxica (Bruxelas) 10-11 de xuño.

Reino Unido (Edinburgo) 9-10 de xuño.

Países Baixos (Amsterdam) 1-2 de xuño.

Francia (París) 28-29 de maio.

Italia (Roma) 21-22 de maio.

Irlanda (Dublín) 15-16 de xuño.

EUA (Nova York) 25-26-27 de xuño.

Chile (Santiago
) 22-24 de xuño.

Austria (Viena) 5-6 de xuño.

Portugal (Lisboa) 26-27 de maio.

Estas xornadas consisten en sesións de capacitación que abranguerán os aspectos fundamentais da xestión cultural e creativa, dende o plan de empresa e o financiamento de proxectos ata a internacionalización e creación de redes de colaboración, pasando polas estratexias de mercadotecnia máis habituais nas ICC
. Contarase ademais coa colaboración de institucións, empresas culturais, expertos e entidades académicas de cada país para implicar ao sector na celebración destas. Deste modo, ofrecerase unha visión completa sobre a realidade da industrias culturais en cada territorio e as oportunidades que existen en cada contexto nacional.

O obxectivo último do programa, ademais de estimular o retorno de profesionais mellor formados e proxectos consolidados a España, é construír unha gran rede de xestores culturais e creativos españois no exterior capaz de xerar sinerxías e dar soporte entre si a cada unha das iniciativas.

Contidos do "Curso de Creación de Empresas e Emprendimiento Cultural
":

1. As industrias culturais e o plan de empresa cultural: aspectos fundamentais

Sectores das industrias culturais. Potencial das ICC no mundo | Emprendimiento, xestión e planificación do proxecto cultural: da idea á empresa | Aspectos estratéxicos da empresa | O
plan de empresa: concepto e perspectivas. Destinatarios do plan, que e para que serve | Aplicacións e apartados do plan de empresa e elaboración.

2. Estratexias de mercadotecnia para industrias culturais e creativas

Industria cultural e mercadotecnia: o produto | Os comportamentos do consumidor. Tipoloxía de públicos | A promoción. Estratexias innovadoras para a mercadotecnia cultural | O patrocinio e a negociación do patrocinio. Os colaboradores | Mercadotecnia 2.0 e Cultura. As redes sociais e as novas tecnoloxías na promoción | Casos de éxito.

3. Financiamento das industrias culturais e creativas: ferramentas prácticas

Fontes de financiamento de proxectos musicais e artísticos | Principais claves na xestión de axudas públicas e subvencións | Mapa financeiro das industrias culturais | Patrocinio e responsabilidade social empresarial | Mecenado contemporáneo. Ferramentas para captación de fondos | O Crowdfunding | A
relación cos patrocinadores | Conclusións e aplicación práctica.

4. Internacionalización e cooperación: redes e estruturas no exterior

A organización económica internacional e os retos actuais no ámbito da cultura. Comercio exterior | A
globalización e a era dixital. Oportunidades para o sector cultural | Redes empresariais | Factores culturais na internacionalización da empresa cultural en cada país | Plans de apoio e políticas culturais para a internacionalización das industrias culturais e creativas | Ferramentas de promoción internacional das empresas culturais. Mercadotecnia internacional. | Axudas e subvencións internacionais para a cooperación cultural: Europa, Iberoamérica e África.

Para participar en CultUp só hai que cumprir cos seguintes requisitos:

Ser español, menor de 35 anos

Residente no estranxeiro, como mínimo dende o 20 de novembro de 2014.

Estar inscrito no Rexistro Matrícula Consular, (como residente ou non residente), no momento de inicio da actividade.

Podes consultar toda a información en http://www.cultup.org/

 

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas