(28/04/2015)
CCOO e UGT critican que Europa só estea preocupada por taponar a emigración
Luns, 27. Abril 2015 -
Madrid, 27 abril - CCOO e UGT dixeron hoxe non entender que as autoridades europeas só estean preocupadas por "taponar" a entrada de inmigrantes e coincidiron en que "esa non é a solución" e é esixible unha política migratoria común.
En rolda de prensa conxunta os secretarios de CCOO e UGT, Ignacio Fernández Toxo e Cándido Méndez, referíronse ás traxedias humanas que acontecen, semana tras semana, no Mediterráneo coas ondadas de inmigrantes e pediron a Europa que "se reconcilie" con esa parte do mundo.
Ambos os dous líderes sindicais dixeron sentirse decepcionados polas políticas europeas e pediron solidariedade.
Tamén avogaron porque África e Oriente Medio recuperen a paz e afirmaron que non se freará a corrente migratoria mentres esa parte do mundo non teñan as súas propias economías que dean unha alternativa decente á súa poboación.
"Europa -dixo Toxo- non pode seguir facendo oídos xordos cando o drama humano se repite unha e outra vez. África e Oriente Medio necesitan solucións".
Por iso fixo fincapé en que se traballe para evitar a proliferación de guerras que retroalimentan o fenómeno terrorista na zona.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas