Abogados critican que Facenda enviase misivas aos retornados que non teñen que declarar

(24/04/2015)

Abogados critican que Facenda enviase misivas aos retornados que non teñen que declarar

Manifestación dos emigrantes retornados galegos en contra do sistema de regularización das súas prestacións do exterior.



A Rexión Internacional 23/04/2015


Avogados galegos advirten de que a regularización de pensións provenientes do estranxeiro "ten que realizarse a partir do ano 2010", posto que os anos anteriores "xa prescribiron". Así sinálao un bufete de avogados e asesores fiscais, Caruncho, Tomé & Judel, ao respecto do envío de máis de 700.000 cartas, segundo os seus números, a pensionistas emigrantes retornados, "cominándoos a regularizar as pensións procedentes do estranxeiro antes do 30 de xuño de 2015".

Este bufete censura que as misivas da Axencia Tributaria se dirixiron mesmo a persoas que non teñen obriga de presentar a declaración da renda, xa sexa porque as súas pensións non alcanzan o mínimo establecido para verse obrigados a declarar ou por resultar perceptores de pensión de invalidez, consideradas exentas pola normativa tributaria,".

Ao respecto deste último colectivo, indica que "dita medida supón unha clara discriminación con respecto aos que reciben unha pensión de invalidez absoluta ou de grande invalidez en España".