O Goberno traballa nun decreto para unificar as regras de adquisición da nacionalidade

(06/04/2015)

O Goberno traballa nun decreto para unificar as regras de adquisición da nacionalidade



O Goberno está a traballar nun proxecto de decreto que polo que se aprobará o regulamento que fixará as regras comúns para as probas de adquisición da nacionalidade española.

A Rexión Internacional 06/04/2015



O Goberno está a traballar nun proxecto de decreto polo que se aprobará o regulamento que fixará as regras comúns para as probas de adquisición da nacionalidade española, co obxectivo de "reducir a discrecionalidade" actual na apreciación do requisito de suficiente grao de integración na sociedade española".

Así consta nunha resposta do Executivo no Congreso á deputada de UPyD, Rosa Díez, e que foi recollida por Europa Press, e na que tamén se destaca que, dentro das modificacións no procedemento de concesión da nacionalidade española por residencia está previsto substituír a audiencia ante o encargado do Rexistro Civil, por unha proba obxectiva de coñecemento do idioma e dos valores constitucionais e socioculturais de España.

En concreto, será o Instituto Cervantes o encargado de realizar estas probas. O Executivo afirma que se escolleu a este organismo en atención aos seus fins e dada a súa experiencia no ensino do español e da cultura española.

Primeiro paso, na lei de sefardís

Para modificar o actual procedemento é necesario cambiar o artigo 23 do Código Civil. Aproveitando a tramitación parlamentaria da Lei pola que se concede a nacionalidade aos sefardís, actualmente no Senado, o PP introduciu vía emenda no Congreso as novas regras xerais para a adquisición da nacionalidade española por residencia, co obxectivo de axilizar o proceso.

Ata a aprobación e posta en marcha desta lei, na actualidade o procedemento mantén un carácter mixto entre o ámbito xudicial -provocado pola levanza dos Rexistros Civís polos xuíces-, e o ámbito administrativo- derivado da esencia do procedemento e da súa resolución por un órgano da Administración-.

A voceira da formación carmesí preguntaba ao Goberno por esta cuestión xa que, a pesar do volume de expedientes de solicitude de nacionalidade que se tramitan ao ano, e que superan
os 200.000 anuais de media, en España non existe un exame estándar ou un manual de preguntas para avaliar de forma obxectiva o nivel de integración dos inmigrantes que solicitan a nacionalidade española.

Ante esta situación o entón ministro de Xustiza, Alberto Ruiz-Gallardón, así como o actual Ministerio, o Consello Xeral do Poder Xudicial e a Fiscalía Xeral do Estado recoñeceron a existencia dun "elevado grao de conflitividade" e "discrecionalidade administrativa" á hora de conceder a nacionalidade española por parte dos xuíces.

Así, Díez pon de exemplo que os xuíces poden libremente preguntar aos demandantes de nacionalidade asuntos tan dispares como o nome do presidente da Generalitat de Cataluña ou sobre que famosa tertuliana televisiva tivo unha filla cun afamado toureiro, preguntas que poden supoñer a concesión ou non da nacionalidade.

O Goberno sinala que ata agora cada xuíz era o encargado de apreciar a integración na sociedade española dos solicitantes a partir duns conceptos amplos, levando consigo en ocasións a aplicación de diferentes criterios e existindo "en ocasións unha marxe de discrecionalidade".

Así, na nova lexislación establécese un procedemento de carácter administrativo, baseado na tramitación electrónica en todas as súas fases, que permita acurtar sensiblemente os prazos de resolución.

Novo procedemento

No seu articulado, a lei establece que o procedemento para a concesión da nacionalidade española por residencia se rexerá polo disposto na lei e no regulamento que o desenvolva e no que actualmente traballa o Executivo. "Neste regulamento incluiranse as especialidades propias do procedemento para o persoal ao servizo das Forzas Armadas", sostén a Lei.

A tramitación do procedemento terá carácter electrónico e a súa instrución corresponderá aos encargados do Rexistro Civil. Todas as comunicacións se efectuarán telematicamente, a través da plataforma electrónica do Rexistro Civil.

O procedemento de adquisición da nacionalidade española por residencia iniciarase polo interesado ben mediante acceso á plataforma electrónica do Rexistro Civil, a través da cal deberá cumprir a correspondente solicitude, ou ben mediante a presentación da súa solicitude en calquera dos rexistros establecidos.

O cumprimento dos requisitos esixidos polo Código Civil para a obtención da nacionalidade española, en particular a residencia en España durante os prazos establecidos no artigo 22 do Código Civil, o seu carácter legal, continuado e inmediatamente anterior á solicitude, así como a boa conduta cívica e o suficiente grao de integración na sociedade española do solicitante, deberán acreditarse mediante os documentos e demais probas previstas regulamentariamente.

A acreditación do suficiente grao de integración na sociedade española requirirá a superación de dúas probas. A primeira acreditará un coñecemento básico da lingua española 'nivel A2', ou superior, do Marco Común Europeo de Referencia para as linguas do Consello de Europa, mediante a superación dun exame para a obtención dun diploma español como lingua estranxeira 'DELE' de 'nivel A2' ou superior.

Na segunda proba valorarase o coñecemento da Constitución española e da realidade social e cultural españolas. Estas probas serán deseñadas e administrada polo Instituto Cervantes nas condicións que se establezan regulamentariamente, como antes se mencionou.

Os solicitantes nacionais de países ou territorios nos que o español sexa idioma oficial estarán exentos da proba de dominio do español, non así da de coñecementos constitucionais e socioculturais. Só deberán realizar o exame DELE e a proba CCSE os maiores de 18 anos e persoas que non tivesen capacidade modificada xudicialmente.

Os menores e persoas con capacidade modificada xudicialmente quedan exentos e deberán achegar certificados dos seus centros de formación, residencia, acollida, atención ou educación especial nos que, se é o caso, tivesen estado inscritos.

O encargado do Rexistro Civil completará a instrución do procedemento solicitando preceptivamente informes dos órganos correspondentes do Ministerio do Interior e do Ministerio da Presidencia, sendo vinculante o carácter negativo de calquera deles.

Unha vez completado o expediente, o encargado do Rexistro Civil emitirá, no prazo máximo dun mes, un informe motivado propoñendo a concesión ou denegación da nacionalidade española por residencia. O devandito informe elevarase, xunto co expediente, ao Ministerio de Xustiza, onde se elaborará a correspondente proposta de concesión ou denegación da nacionalidade española para a súa elevación ao ministro de Xustiza.

A resolución do ministro comunicarase telematicamente ao encargado do Rexistro Civil que tiver tramitado o expediente para que, no prazo de cinco días, notifique ao promotor a resolución. A concesión da nacionalidade quedará condicionada a que no prazo de cento  oitenta días contados dende a notificación.