(24/02/2015)
Os retornados de Valdeorras constitúen unha plataforma en defensa das súas pensións
Tereixa Paz durante a constitución da Plataforma de Emigrantes Retornados do Barco de Valdeorras.
I.B. 24/02/2015
A localidade ourensana do Barco de Valdeorras acolleu a constitución da Plataforma de Emigrantes Retornados de Valdeorras. Os seus promotores destacaron que o obxectivo desta nova plataforma é o de "organizar aos retornados para que se poidan defender do atraco que están a sufrir por parte de Facenda": Os seus promotores cualificaron as multas postas en marcha pola lexislación como "intereses de usura. Pretenden roubarnos o diñeiro que gañamos na emigración e acusarnos de delincuente e defraudadores fiscais".
A plataforma conta co respaldo do BNG de Valdeorras, organizador deste acto. Durante a reunión quíxose mostrar un especial agradecemento a Francisco González Bieitez (presidente da asociación provincial de Ourense dos emigrantes retornados) "pola información, apoio e colaboración prestada".
A deputada do BNG Tereixa Paz tamén recibiu os agradecementos dos asistentes "polo apoio que nos dá e o esforzo que realiza cada vez que, dende Valdeorras, lle solicitamos algo. Tras batallar todo o día e conducir dende Santiago aguantou en pé todo o tempo que durou este acto, porque non houbo cadeiras abondo para os asistentes," sinalaron os organizadores.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas