GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Antonio Rodríguez Miranda afirma que a pegada dos galegos está presente en Cuba

(02/02/2015)

Antonio Rodríguez Miranda afirma que a pegada dos galegos está presente en Cuba


Feliberto Carrié
, A Habana | 01 Febreiro 2015 - Crónicas da Emigración



Rodríguez Miranda, junto al embajador Montalbán, a Sergio Toledo y otros asistentes a la toma de posesión.

Rodríguez Miranda, xunto ao embaixador Montalbán, a Sergio Toledo e outros asistentes á toma de posesión.

 

O secretario xeral da Emigración, Antonio Rodríguez Miranda, afirmou na Habana que ao longo da historia os galegos e os centros galaicos

marcaron a historia e as tradicións en Cuba, e agregou que, por ese efecto positivo para os dous pobos, "nos sentimos orgullosos".

Rodríguez Miranda encabezou, xunto ao embaixador de España na Illa, Francisco Montalbán, o acto da toma de posesión da Xunta Directiva da Federación de Sociedades Galegas (FSG) de Cuba, que por terceiro mandato consecutivo encabezará Sergio Toledo ao non se presentar unha boleta
de oposición.

Ao acto celebrado na sociedade galega Rosalía de Castro, tamén asistiu o profesor Abel Veiga, director da Área Internacional do Instituto Galego de Promoción Económica (IGAPE); o cónsul xeral de España en Cuba, Jorge Montealegre; o xefe da Oficina de Emprego e Seguridade Social, Jesús Chacón; o presidente do CRE, Manuel Vallejo; e o presidente da Federación de Sociedades Españolas, Julio Santamarina
. Asistiron, ademais, todos os presidentes de sociedades galegas de Cuba e dos centros rexionais españois en Cuba.

Expresou Miranda que Galicia se sente moi unida á colectividade galega en Cuba, e ao pobo cubano pola historia, as tradicións e a cultura común, por lazos de sangue e de traballo conxunto a través do tempo. Asegurou que o traballo das sociedades galegas e as españolas en Cuba son un referente para España de cara a consolidar un traballo cotián e resaltou que a presenza galaica
na Illa é un referente na actualidade.

O secretario xeral afirmou que "don Manuel Fraga, quen nos estará a ver dende alá arriba, se sentiría orgulloso de todo o que fan as sociedades da emigración en Cuba e polo traballo que estas realizan".

Dixo que os cursos de formación para mozos descendentes da emigración española que ofrecerá o Ministerio de Emprego de España e a Xunta, na sociedade Naturales de Ortigueira, fortalecerán o carácter técnico destes, dada a profesionalidade que os mozos adquiriron nas escolas cubanas e asegurou que estes mesmos descendentes serán un relevo futuro para o traballo directivo dentro das sociedades de orixe hispana cando lles chegue o seu momento.

Miranda chamou á participación de todas as colectividades para que coadxuden a impulsar a formación e especialización dos seus mozos en favor dunha maior profesionalidade e preparación técnica como o fixeron os emigrantes españois que chegaron ao país caribeño a inicios do século XX.

O dirixente galego dixo que "é un orgullo e nos enche de satisfacción asistir á toma de posesión do cargo de presidente da Federación Galega de Cuba de Sergio Toledo, quen é un mozo laborioso e capaz dentro da colectividade das sociedades españolas,".

A FSG de Cuba ten un equipo capaz de mozos e adultos, os que realizarán un traballo intenso de cara ao futuro coa colectividade, que fortalecerá o traballo da emigración galega en Cuba. Dixo a Sergio Toledo que o seu traballo futuro será intenso e sempre contará co apoio da Xunta de Galicia cuxo presidente, Alberto Núñez Feijóo, lle enviou unha felicitación.



Recoñecemento a Montalbán

O secretario xeral da Emigración, Antonio Rodríguez Miranda, comunicou que o presidente da Xunta enviou unha felicitación especial ao embaixador de España en Cuba, Francisco Montalbán, polo traballo que o diplomático realiza en Cuba, e expresou o seu orgullo e satisfacción especial, polo alto cargo na Illa. Expresou Feijóo que Montalbán é unha persoa cuxo traballo intenso beneficia ás colectividades da emigración e ás relacións entre España e Cuba.

A Pegada de España en Cuba será galega

Miranda revelou que o Festival 'A Pegada de España', que cada ano se realiza en Cuba, en 2015 será galega por acordo das partes. Durante o evento, haberá música tradicional, cine, exposicións, conferencias e múltiples manifestacións artísticas na capital cubana coa participación das colectividades españolas na Illa e as institucións cubanas.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas