(26/01/2015)
Os retornados do Salnés logran o respaldo do Concello ás súas reclamacións fiscais
Os retornados encheron o salón de Plenos do Concello de Vilagarcía.
I.B. 23/01/2015
O Concello de Vilagarcía de Arousa deu respaldo á moción presentada polos emigrantes retornados pedindo un cambio na Lei de Tributación. O responsable da Plataforma de Emigrantes Retornados do Salnés e membro da Coordinadora Nacional Galega de Emigrantes Retornados, Xosé Lois Leirós, acudiu ao Pleno do Concello de Vilagarcía de Arousa para pedir aos membros do Concello o apoio a unha moción en defensa dos dereitos dos emigrantes retornados que presentaba o BNG. É a segunda vez que neste concello se presentaba a medida, xa que na anterior ocasión foi rexeitada a pesar dun empate técnico, co "voto de calidade" do alcalde.
"Podería ter quedado como un campión, cando a votación estaba 10 a 10. Pero ao final decidiu pasar rolo, como lle gusta tanto á súa formación," sinalou Xosé Lois Leirós, quen durante a presentación da demanda lamentou que "só en dous Concellos de todos os que presentaron esta iniciativa dixeron non: o de Mondoñedo e este de Vilagarcía de Arousa"."Se equivocou de pleno, xa que todos os seus amigos e compañeiros de partido en Galicia votaron que si", lamentou.
Nunha presentación moi dura, na que Leirós recordou que "grazas á presión que estamos a facer na rúa sabe os que son os verdadeiros defraudadores. Non somos os retornados", Leirós cargou contra a reforma aprobada en novembro polo Goberno. "Non" queremos "unha solución cosmética por que este sexa un ano electoral. Queremos medidas eficaces" e criticou que estas non se poñan en marcha " porque o PP tombou coa súa maioría absoluta o cambio da Lei. Tanto en Galicia coma no Parlamento Español".
Non hai unha solución
Non é certo que se dese solución. Os problemas seguen enriba da mesa. Non se cambiou unha coma e retorceuse máis co invento da regularización do PP que nos condena a pagar de por vida por unhas modestas pensións".
As propostas presentadas pola Plataforma de Emigrantes do Salnés pedían a modificación da Lei 35/2006. "Queremos as mesmas condicións que o resto dos pensionistas á hora de tributar, declarar a partir dos 22.000 euros de ingresos ao ano" e "que se recoñezan de oficio as pensións de invalidez cos mesmos graos aprobados nos países de residencia".Leirós tamén insistiu na necesidade de que a regularización "sexa a partir deste ano, e non con carácter retroactivo; así como ter dereito a asistencia sanitaria sen ter que pagar 85 euros ao mes".
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas