A Axencia Tributaria e os retornados do Ulla-Umia atenderán conxuntamente aos retornados

(23/01/2015)

A Axencia Tributaria e os retornados do Ulla-Umia atenderán conxuntamente aos retornados



Unha das pasadas manifestacións ás que acudiron os representantes da Asociación de Emigrantes Retornados Ulla-Umia.



I.B. 22/01/2015/ A Rexión

.

Imelda Capote, Delegada Especial dá Axencia Tributaria en Galicia e o presidente de AERU comprometéronse a unha atención personalizada e directa para todos os retornados da bisbarra. O acordo, que beneficiará a "unhas 1.000 persoas", en palabras de Celso Domíngue, supoñerá que os retornados terán unha atención directa para resolver as súas dúbidas e recuperar as cantidades das sancións.

"A través deste convenio podemos enviar nós directamente dende a asociación as reclamacións de intereses, sancións e recargas así como proceder a regularización das liquidacións non prescritas", sinalan dende a Asociación de Retornados Ulla-Umia. De feito, AERU ofrecerá atención a todos os interesados a través dunha xestoría instalada na Rúa Celeiro de Caldas de Reis, en horario comercial. "Os socios de AERU non terán que pagar nada polos trámites, o resto poderán facelo pagando 25 euros".

O obxectivo é que todos os que se acheguen a este xestoría poidan resolver as dúbidas que non lles quedaron claras nas delegacións da Axencia Tributaria. "O acordo supoñerá un accceso directo á Axencia, onde teremos a atención ao momento dun técnico experto na materia", sinala Domínguez.

Os que non teñan tempo de ir á Axencia Tributaria, aos que lles de vergoña ou aínda teñan dúbidas, contarán cun método para solucionar as súas dúbidas e problemas. Nós seremos os que solucionen os seus problemas".