CC.OO. reclama á Axencia Tributaria que devolva "de oficio" o cobrado aos retornados

(20/01/2015)

CC.OO. reclama á Axencia Tributaria que devolva "de oficio" o cobrado aos retornados

A secretaria de Política Social de CC.OO., Adela Poisa.



A Rexión Internacional 20/01/2015

O sindicato CC.OO. pídelle á Axencia Tributaria que lle devolva "de oficio" aos emigrantes retornados as cantidades que lles reclamou nos últimos anos e mostra a súa "indignación" polo trato que lle deu á este colectivo nos últimos meses.

Comisións Obreiras, que mostra o seu apoio ás reivindicacións destas persoas, cree unha "vergoña" que a Axencia Tributaria lles reclamase diñeiro e impuxese "cuantiosas multas" a persoas que non tiñan por que pagar.

A secretaria de Política Social de CC.OO., Adela Poisa, remarca que o Goberno español acabou "recoñecendo o seu erro", polo que aproveita a lei da reforma fiscal para abrir un prazo de seis meses no que as persoas afectadas poden regularizar a situación.

Nesta liña, o sindicato considera o mecanismo "inadecuado" e "lento", xa que a devolución das cantidades xa pagadas se efectuarán nos seis meses posteriores á presentación da reclamación ante Facenda. Por este motivo, Comisións insta á Axencia Tributaria a devolver e tamén "o máis pronto posible".