(26/11/2014)
O Papa pide a Europa inmigración xusta
"Non" se pode tolerar "que o mar Mediterráneo se converta nun gran cemiterio", dixo o papa en referencia aos inmigrantes que chegan dende África.
O papa Francisco xunto ao presidente do Parlamento Europeo, Martin Schulz. O pontífice dixo que "chegou o momento de abandonar a idea dunha Europa atemorizada".
25.11.2014 Voz de América
O papa Francisco pediu a unha Europa "envellecida e reducida" a que redescubra a súa alma boa" e que elabore unha política de inmigración común e xusta.
Francisco realizou a súa petición este martes ante o Parlamento europeo, en Estrasburgo, Francia, durante unha breve visita para presentar a súa visión de Europa.
O sumo pontífice dixo que quería levar unha mensaxe de esperanza aos europeos que desconfían das súas institucións, que están asediados pola crise económica e espiritualmente á deriva nunha cultura que xa non valora a dignidade humana.
"Non" se pode tolerar "que o mar Mediterráneo se converta nun gran cemiterio", dixo o papa en referencia aos inmigrantes que chegan dende África.
"Nas embarcacións que chegan cotiamente ás costas europeas hai homes e mulleres que necesitan acollida e axuda", sinalou o Sumo Pontífice.
"Europa será capaz de facer fronte ás problemáticas asociadas á inmigración se é capaz de propoñer con claridade a súa propia identidade cultural e poñer en práctica lexislacións axeitadas" que tutelen os dereitos dos europeos, agregou.
Pero tamén se garante "ao mesmo tempo a acollida aos inmigrantes", para o que pediu "políticas correctas, valentes e concretas" que axuden aos países emisores en lugar de "políticas de interese".
"É necesario actuar sobre as causas e non soamente sobre os efectos", dixo o papa.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas