GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Barbanza. As multas continúan chegando a emigrantes retornados da zona, que afianzan a súa loita

(05/11/2014)

As multas continúan chegando a emigrantes retornados da zona, que afianzan a súa loita

 

 

Aínda que o PP asegura que en xaneiro o problema dos emigrantes retornados quedará resolto porque se empezará a devolver o diñeiro cobrado por multas e atrasos das pensións do estranxeiro polas que non cotizaban, os afectados non as teñen todas consigo. Non entenden que a pesar dos reiterados anuncios do Goberno de Rajoy aínda sigan chegando sanciones -esta mesma semana, recibíronas varios veciños de Rianxo-. E aínda que en Facenda lles din que ese diñeiro se lles acabará reintegrando, prefiren continuar a pé de rúa, pelexando duro «porque a saber se cumpren ou non o que din». Ademais, consideran que o anunciado só é un parche e loitan para que se lles trate igual fiscalmente que a quen cobran pensións de España.

Onte tocou manifestarse en Ribeira. Non foi unha protesta calquera. Aínda que boa parte de quen ían detrás das pancartas peitean canas, pouco lles importou enfrontarse a unha mañá de cans. Percorreron as rúas mentres o ceo de Santa Uxía non deixaba de chuspirlles tronos, raios, vendaval e choiva. «Teñen moitísimo mérito», oíase dicir aos comerciantes que lles vían pasar cara á casa consistorial.

Coma se o tempo quixese amolarlles, non deixou de chover, precisamente, ata que atoparon resgardo nos soportais do Concello de Ribeira. Aí, unha vez máis, entoaron as súas xa míticas coplas: «Rajoy pelele, Galicia non che quere», «nós traballando, e eles roubando», escoitábaselles mentres soaban pitos, unha cacerola e algún que outro máis obxecto ruidoso. No medio do estrondo, entraron cara á casa consistorial dúas edilas do PP ribeirense. Unha delas nin se inmutou ante os cánticos contra o seu partido. A outra parou a interesarse polo que alí sucedía.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas