Realizouse en Vigo acto de inauguración da nova asociación da emigración cubana en Galicia 'Haydée Santamaría'

(04/11/2014)

Cubainformación. Luns, 03 de Novembro de 2014

Lois Pérez Leira - Cubainformación.- Dende hai uns meses naceu unha nova entidade que nuclea aos inmigrantes cubanos residentes en Galicia, se trata da Asociación Cubana - Galega "Haydée Santamaría". Na cidade de Vigo concéntrase un número importante de inmigrantes cubanos: 444, dos 2518 que viven na nosa comunidade autonómica.

Este venres déronse cita numerosas familias cubanas ata Santa Cristina de Cobres no municipio de Vilaboa, cruzando a ría de Vigo onde reside a súa sede recreativa.

O Acto foi presidido polo historiador Lois Pérez Leira, secretario da Asociación; o Alcalde de Vilaboa Jose Luis Poceiro e a máxima representación diplomática cubana en Galicia, o Cónsul Xeral de Cuba, José Antonio Solana Fernández.

Estaban presentes tamén o Cónsul de Cuba María Laura Urra Fernández e a funcionaria consular Silvia María Iglesias Pérez, empresarios da bisbarra e representantes doutros colectivos latinoamericanos residentes en Galicia.

O acto iniciouse coas palabras de Lois Pérez Leira, quen en nome da Presidente Jamari Llanes Valdés, da asociación e dos seus directivos, realizou un discurso de argumentación sobre o nacemento desta nova organización. Pérez Leira leva varias décadas dedicado á solidariedade con Cuba e escribiu varios libros sobre a emigración galega neste país. Na súa intervención agradeceu a solidariedade do pobo cubano cos galegos que se radicaron naquel país. Tamén marcou os plans futuros da asociación e fixo unha breve referencia á historia de Haydée Santamaría, heroína do Moncada e filla de galegos. Relatou con moito interese o papel de Haydée Santamaría no apoio e promoción á Nova a Troba Cubana, especialmente a Pablo Milanés e Silvio Rodríguez, cando ela era Presidenta da Casa da América. Foi naqueles anos que Silvio Rodríguez compuxo a súa célebre "canción ao elixido" en memoria de Abel Santamaría mártir do Moncada e irmán de Haydée. O secretario da asociación tamén sinalo que a devandita entidade, aínda cando é apartidaria, resolvera por maioría absoluta incluír no seu accionar a loita contra o bloqueo a Cuba e a favor da causa dos 5 patriotas antiterroristas cubanos presos inxustamente nos Estados Unidos.

Seguiuno no uso da palabra Jose Luis Poceiro, Alcalde de Vilaboa, unha vila mariñeira da ría de Vigo de 7000 habitantes. O rexedor local manifestou a súa amizade por Cuba, a súa admiración pola figura do Che Guevara e presentouse como un alcalde de pobo que traballa a portas abertas coa cidadanía. José Luis Poceiro é coñecido polo seu talante solidario e de ter realizado políticas de integración social nun municipio onde existe unha forte presenza marroquí radicada no seu Concello. No seu discurso comprometeuse a colaborar coa asociación dentro das modestas posibilidades con que contan, así como tamén recoñecer a solidariedade do pobo cubano coa nosa emigración propoñendo ao pleno do municipio que un lugar público desta vila leve o nome do Heroe Nacional cubano José Martí.

A presentación concluíu cun emotivo discurso do Cónsul Xeral de Cuba, José Antonio Solana Fernández, quen expuxo sobre a dinámica actual que vive o seu país, convocando os seus compatriotas á cohesión e unidade en torno á defensa de Cuba e o estreitamento dos vínculos históricos que a unen con Galicia.

Ao finalizar os oradores, os asistentes deleitáronse coa presentación do dúo "Canción e amañeceres", conformado pola escritora e intérprete cubana Dania D' Alfonso e Xiara, compositora, intérprete e pianista viguesa, ambas as dúas integrantes tamén do grupo de arte creativa musical Sono de Calíope, que se uniron nesta ocasión para dar vida a unha xenial interpretación de música cubana.

Logo tocoulle a quenda ao trobador Yhosvany Palma, nacido en Cuba (Trindade), posuidor do alento, a maxia e a sedución da "troba cubana", máis cando a súa formación e crecemento artístico xurdiu dende os seus inicios da man e corazón de Vicente Feliú, posesión que se deixa notar na textura dos seus poemas e na espectacular beleza e frescura da súa música.

Ao finalizar o acto o Cónsul Xeral cubano fixo entrega dunha bandeira cubana á presidenta da Asociación, quen moi emocionada agradeceu o xesto e declarou o amor á súa patria e o seu compromiso coa revolución cubana. Os presentes espontaneamente comezaron a corear o nome de Cuba.

Durante o acto o alcalde de Vilaboa foi nomeado Presidente Honorario da Asociación.

Novas e Actualidade

Titulares
Histórico

Usuario:
Contrasinal: