Miras: "Non" se poden perder "as institucións que son nosas, hai que implicar os mozos na dirección dos centros"
(24/09/2014)
Miras: "Non" se poden perder "as institucións que son nosas, hai que implicar os mozos na dirección dos centros"
E. Fernández, Madrid | 23 Setembro 2014 - Crónicas da Emigración
Miras Portugal saúda á ministra á súa chegada.
O director xeral de Migracións e secretario do Consello Xeral de Migracións,
Aurelio Miras Portugal, animou os conselleiros ao pleno que se celebra en Madrid que se esforcen en manter as entidades no exterior, que un día foron dos nosos antepasados, porque "hai algo no pobo español que non teñen outros pobos: solidariedade, filantropía e amor polos demais".
Non podemos perder as institucións que son nosas, hai que implicar os mozos na dirección dos centros", dixo Miras na súa intervención, antes da clausura.
O director xeral pediu aos asistentes actuar con "o corazón" e "a cabeza" para que, ademais de manter as institucións, sexan capaces de "erguelas, porque moitas delas "prestan servizos de carácter benéfico social.
O director xeral de Migracións aproveitou a súa intervención para destacar o papel que desempeñan as asociacións de retornados, e dun modo especial, a Federación de Asociacións de Españois Retornados (Feaer), que preside Eva Fontcubierta. Miras Portugal, quen visitou días atrás algunha das asociacións en Andalucía, destacou o labor que realizan e felicitou a presidenta da Feaer "polo que fai e con poucos recursos".
"Mal da administración que non aproveita os seus recursos", "nós aproveitamos todo o que podemos", puntualizou o director xeral.
O secretario do Consello continuou coa súa intervención recalcando as palabras da ministra de Emprego, Fátima Báñez, na xornada inaugural cando asegurou que a maior porcentaxe do departamento de migracións do Goberno central se destina aos españois no exterior.
Tamén destacou a iniciativa da secretaria xeral de Inmigración e Emigración, Marina del Corral, viaxando ao exterior para establecer contacto coas colectividades (recentemente acompañou á ministra Báñez na súa viaxe por Australia) e aludiu ao "cariño co que foi recibida".
O director xeral concluíu a súa intervención asegurando que, ao seu modo de ver, o asunto do voto exterior, que tanta preocupación está a causar aos residentes no estranxeiro, "vai por bo camiño".
ACTIVIDADES
| L | M | Me | X | V | S | D | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | | | | | | | |
|
AREA DE TÉCNICOS