GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O PSdeG quéixase de que os emigrantes retornados deban regularizar a súa pensión mentres se "amnistía" delincuentes

(11/08/2014)

O PSdeG quéixase de que os emigrantes retornados deban regularizar a súa pensión mentres se "amnistía" delincuentes

Denuncia que a política exterior de Feijóo é viaxar a "paraísos tropicais" mentres se "abandona" os emigrantes porque non votan"

 

 

EUROPA PRESS - SANTIAGO DE COMPOSTELA

08/08/2014

A voceira de Emigración do Grupo Parlamentario Socialista, Marisol Soneira, censurou este venres que o Goberno impoña aos emigrantes retornados a obriga de regularizar as súas pensións dos últimos cinco anos, medida que "nin de lonxe se achega á amnistía fiscal deseñada á medida dos grandes defraudadores, ladróns e criminais, algúns vinculados ao PP e ao seu financiamento,".

En rolda de prensa para denunciar a política de emigración da Xunta, Soneira subliñou que os galegos no exterior non existen" para o Goberno "salvo para discriminalos e perseguilos coma se fosen delincuentes fiscais".

Neste sentido, facendo alusión ao compromiso de Facenda de devolver as multas e recargas aos retornados, opinou que se trata de "unha medida electoralista" que non resolve "o problema de fondo", isto é, o trato desigual que reciben con respecto aos pensionistas que cobran de España.

Como proba, a deputada do PSdeG apuntou que os pensionistas retornados que cobran de dous pagadores se ven obrigados a declarar aínda que a súa renda total sexa inferior ao mínimo obrigatorio. Así as cousas, ironizou coa "xenerosidade" que evidencia o Executivo estatal con este colectivo.


"QUEN NON VOTA NON CONTA"

Ademais, Soneira criticou que a política exterior do Goberno autonómico se limite a viaxar a "paraísos tropicais", mentres os emigrantes galegos --que supoñen unha quinta parte da poboación de Galicia-- están "absolutamente abandonados".

"Quen non vota non conta para nada", evidenciou Soneira, quen vinculou a caída do presuposto da Xunta para a súa atención en "un 62 por cento" á modificación da lei electoral que impón o voto pregado fóra das fronteiras españolas, o que dificulta o sufraxio.

Así se explica, como dixo, que Feijóo "pasou de prometer a tarxeta do Sergas" aos galegos na diáspora a tratalos como inmigrantes" nos hospitais malia ter pasaporte español, pois o dereito sanitario se perde tras 90 días fóra das nosas fronteiras. "Cando as persoas non teñen dereito ao voto son un mercado pouco atractivo", insistiu a socialista.

Abundando no "desprezo" aos emigrantes, sostivo que xa non hai "políticas decididas" de emigración, malia que Galicia "sempre foi un referente" nesta materia con todos os presidentes que tivo. Agora, segundo as súas propias palabras, unicamente se "utiliza" a diáspora dun xeito "rancio", celebrando actos "casposísimos" de recoñecemento da galeguidade.

"PARAÍSOS TROPICAIS"

En canto á axenda exterior, Soneira cuestionou "as viaxes de 15 días en primavera a algún paraíso tropical" da conselleira de Traballo, Beatriz Mato, e as estanzas do vicepresidente da Xunta, Alfonso Rueda, en Brasil.

Tamén criticou que o presidente "se limita a acudir a México o seu amigo para todo", e que o seu "sectarismo" lle impida visitar Venezuela e léveo a reunirse unicamente con "a oposición" cando pisa chan arxentino.

Por todo iso, e á vista de que se está "a desprezar" o potencial económico e social da emigración galega, a deputada socialista reclamou a comparecencia do presidente da Xunta e do secretario xeral de Emigración, Antonio Rodríguez Miranda, no Parlamento.

 

 

Novas e Actualidade


Titulares
Histórico


 ACTIVIDADES

Agosto 2019
LMMeXVSD
   1234
567891011
12131415161718
19202122232425
262728293031 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas