En concreto, os asistentes á misa deste domingo eran os integrantes da quenda da segunda quincena de xullo do programa Conecta con Galicia, e das alumnos das distintas disciplinas ofertadas nas Escolas Abertas.

Conecta con Galicia é un programa que ten como obxectivo fortalecer os lazos que relacionan aos galegos de segunda xeración coa terra dos seus familiares e que, en moitas ocasións, «senten como propia ao mesmo ou superior nivel dos países onde naceron». A iniciativa, para moitos deles, supón a primeira posibilidade de coñecer fisicamente a terra dos seus antepasados, e as xeracións da familia que quedaron na Galicia territorial.

Entre 14 e 20 anos

Xa que logo, estes mozos galegos da diáspora, de entre 14 e 20 anos, desenvolven actividades ao aire libre, compartindo en dúas quendas de doce días con compañeiros residentes en Galicia as residencias e albergues xuvenís da comunidade, dependentes da Dirección Xeral de Xuventude e Voluntariado, da Consellería de Traballo e Benestar.

Nestas instalacións realízanse dúas actividades de seis días cada unha.