(25/06/2014)
Feijóo enxalza o papel da diáspora galega en Alemaña
Destaca os vínculos que se estableceron grazas á emigración // Se reúne hoxe co responsable do porto de Hamburgo
O presidente da Xunta de Galicia, Alberto Núñez Feijoo, destacou hoxe en Hamburgo (norte de Alemaña), o papel dos emigrantes galegos en Alemaña polo seu labor na construción dunha Galicia máis universal.
O presidente da Xunta cominou do mesmo modo aos máis de 16.000 galegos censados en Alemaña a converterse en "embaixadores do noso país, faros da nosa cultura e profetas da nosa terra,".
Núñez Feijoo fixo estas declaracións durante a clausura da exposición "Galicia, pórtico universal", dedicada á promoción de Galicia no exterior e que se puido visitar estes días no porto da cidade alemá.
A mostra "é unha homenaxe á Europa universal que hai doce séculos comezamos a construír cos nosos movementos como pobo" manifestou o presidente da Xunta, quen considerou que foi en torno á emigración e ao Camiño de Santiago como se forxou o espírito europeo.
Núñez Feijoo encóntrase en Alemaña nunha viaxe que se prolongará ata o próximo martes e cunha axenda centrada nos ámbitos económico, turístico e cultural.
Mañá reunirase no concello de Hamburgo co alcalde da cidade hanseática, Olaf Scholz, antes de dirixirse ao porto onde se encontrará co seu director, Wolfgang Huertienne.
O presidente finalizará a xornada presidindo un acto de presentación de Turismo de Galicia.
O martes, a representación galega trasladarase a Wolfsburgo (norte de Alemaña) para visitar a fábrica de automóbiles Volkswagen.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas